Video
Read full review
2023-11-17
2214 views
一踏入悄悄食堂就好似去左日本居酒屋🏮門口右手邊有榻榻米座位，左邊擺放巨量日式小擺設，好有風味，而且用上暖黃色燈泡，極高既樓底，令人感覺好窩心🥰同放鬆。🥢刁草醬油麴欖油燒扇貝調味好特別，刁草🌿同欖油🫒都帶草青味同果味，尢其係刁草香氣撲鼻而來，再加上店家自家製既醬油麴，好新穎既配搭，效果比想像中更出法。酸味味既醬油令扇貝既鮮甜更突出，而且火喉岩岩好，燒得小小焦香更惹味！🐄清酒粕味噌燒A4和牛Tataki和牛切成薄片再烤至微微焦香，每一塊都有濃濃既酒香🍶油脂豐腴，入口非常軟淋，有入口即溶既感覺，但略嫌酒粕味噌太重手，蓋過和牛自身既美味，油香加重口味既醃料愈食愈膩口，要靠伴碟既炸蒜，芥末同蔥花中和返🫣🐄自釀醬油麴燒厚切牛舌芯好出色既一碟菜式🫶🏻賣相一流，嫩粉紅色既牛舌芯令人流晒口水。厚切牛舌經醬油麴醃漬後，肉質變得更軟腍香滑，仲可以食出淡淡醬油香氣。再燒至五成熟，保持外脆口內軟身，又不失牛舌既爽口，肉味更顯濃郁，可以配上手磨山椒鹽🧂一齊食，更帶出牛舌既鮮味！🥄醬油吞拿赤身高湯炊飯日本珍珠米用上高湯以陶瓷鍋熬煮而成，保持濕潤既口感又做到粒粒分明，再加上醬油漬赤身粒撈勻品嘗，透過鍋既熱氣令魚生變得
🥢刁草醬油麴欖油燒扇貝
調味好特別，刁草🌿同欖油🫒都帶草青味同果味，尢其係刁草香氣撲鼻而來，再加上店家自家製既醬油麴，好新穎既配搭，效果比想像中更出法。酸味味既醬油令扇貝既鮮甜更突出，而且火喉岩岩好，燒得小小焦香更惹味！
🐄清酒粕味噌燒A4和牛Tataki
和牛切成薄片再烤至微微焦香，每一塊都有濃濃既酒香🍶油脂豐腴，入口非常軟淋，有入口即溶既感覺，但略嫌酒粕味噌太重手，蓋過和牛自身既美味，油香加重口味既醃料愈食愈膩口，要靠伴碟既炸蒜，芥末同蔥花中和返🫣
🐄自釀醬油麴燒厚切牛舌芯
好出色既一碟菜式🫶🏻賣相一流，嫩粉紅色既牛舌芯令人流晒口水。厚切牛舌經醬油麴醃漬後，肉質變得更軟腍香滑，仲可以食出淡淡醬油香氣。再燒至五成熟，保持外脆口內軟身，又不失牛舌既爽口，肉味更顯濃郁，可以配上手磨山椒鹽🧂一齊食，更帶出牛舌既鮮味！
🥄醬油吞拿赤身高湯炊飯
日本珍珠米用上高湯以陶瓷鍋熬煮而成，保持濕潤既口感又做到粒粒分明，再加上醬油漬赤身粒撈勻品嘗，透過鍋既熱氣令魚生變得半生熟，入口柔軟又食到魚既鮮味。醬油同蔥花令白飯更多風味。整體係唔錯，但再顧及埋要等一個鐘同定價二百幾蚊，個人就覺得性價比有啲低🙈
🌽三重烤玉米
粟米烤得爽脆，但有啲位烤得過火🔥燶左入口一股苦澀味，面頭放滿薯片同加左沙律醬，鹹香帶微辣，佐酒小吃之選。
🍮Golden Rum忌廉芝士焦糖布甸
唯一一樣自家製既甜品，好經典既日式焦糖布甸，再加上忌廉芝士，面上鋪滿大量雲尼拿籽，中和焦糖漿既苦味！布丁賣相好凹凸不平，但其實質地好滑溜，入口會sir落喉嚨咁，而且四十八蚊一個唔算太貴，自己食晒一個都唔肉赤🤭
🍩鐵觀音聖多諾黑泡芙
其中一樣由Badmood Patisserir供應既甜點，賣相精緻📸底部既千層酥皮酥脆重牛油香，中間既四小粒泡芙好可愛，泡芙餡同擠花都係鐵觀音口味，茶味香濃。再配上泡芙表層既焦糖，入口似冰糖葫蘆，所以食材加埋對我黎講太超過，食完會起啖，建議螞蟻人士享用！😂😂
📍悄悄食堂
太子荔枝角道143號康和閣地舖
Post
