Video
Read full review
2019-02-07
4948 views
食懷舊經典嘅中菜相信唔少人都推薦呢間鳳城酒家，不過佢好多分店，今次我試呢間北角嘅分店就非常之滿意啦😝事關吃貨最近轉新工的關係，一行十幾個同事們farewell我的那餐飯就是在這𥚃，因我想食中菜，要選擇一間坐得多人，味道又好食嘅，有朋友就建議去這間北角嘅鳳城酒家的分店。環境就不用多說都係傳統舊式嘅酒家嘅類型，果晚剛好遇上留俾我地張大枱旁有間開俾人打麻雀超爆嘈🙄好彩安排到調枱，唔係成晚都唔使傾計。嗰日放工一行十幾人，大家都好肚餓，見到乜係唔係都點晒先😂一共點左10幾個餸，每個都好似比色香味俱全啵！鍋貼蝦多士真係好驚艷!因為我之前未食過，但係朋友已經大力推薦一定要食，就咁睇似係一塊塊炸多士，咬落去就知道真係功夫菜，佢張手打嘅蝦膠讓入麵包，再慢慢去半煎炸到金黃色，蝦膠非常彈牙有蝦味，而多士一啲都唔覺得油益，食一件真係唔夠喉!我可以食一打🐷😋😝家鄉煎藕餅又係另一正嘢，藕餅煎得夠乾身食，又到粒粒蓮藕，爽口！海皇一品煲同埋鴨掌煲都正正常常，我哋嗌左十幾度餸，有正嘢就梗有啲餸係一般㗎啦，大良炒鮮奶就一般，似炒蛋白又似牛奶，口感同味道都一般，最後我懷疑我哋嗌錯左，我地應該係想點大良炸鮮奶，一舊舊果啲，下
食懷舊經典嘅中菜相信唔少人都推薦呢間鳳城酒家，不過佢好多分店，今次我試呢間北角嘅分店就非常之滿意啦😝
事關吃貨最近轉新工的關係，一行十幾個同事們farewell我的那餐飯就是在這𥚃，因我想食中菜，要選擇一間坐得多人，味道又好食嘅，有朋友就建議去這間北角嘅鳳城酒家的分店。
環境就不用多說都係傳統舊式嘅酒家嘅類型，果晚剛好遇上留俾我地張大枱旁有間開俾人打麻雀超爆嘈🙄好彩安排到調枱，唔係成晚都唔使傾計。
嗰日放工一行十幾人，大家都好肚餓，見到乜係唔係都點晒先😂一共點左10幾個餸，每個都好似比色香味俱全啵！
鍋貼蝦多士真係好驚艷!因為我之前未食過，但係朋友已經大力推薦一定要食，就咁睇似係一塊塊炸多士，咬落去就知道真係功夫菜，佢張手打嘅蝦膠讓入麵包，再慢慢去半煎炸到金黃色，蝦膠非常彈牙有蝦味，而多士一啲都唔覺得油益，食一件真係唔夠喉!我可以食一打🐷😋😝
家鄉煎藕餅又係另一正嘢，藕餅煎得夠乾身食，又到粒粒蓮藕，爽口！
海皇一品煲同埋鴨掌煲都正正常常，
我哋嗌左十幾度餸，有正嘢就梗有啲餸係一般㗎啦，大良炒鮮奶就一般，似炒蛋白又似牛奶，口感同味道都一般，最後我懷疑我哋嗌錯左，我地應該係想點大良炸鮮奶，一舊舊果啲，下次再嗌過。
生炒糯米飯啲飯好爛，似係蒸過咗龍，而且味道都係一般，係冇乜材料嘅情況之下咁都收$160真係幾貴。
家鄉小炒王同我想像中嘅小炒王有啲出入，佢係用芥蘭心去炒一啲肉粒，堅係普普通通又收你$160。
香橙豬扒就擺盤都幾靚，旁邊圍滿香橙🍊不過份量唔係好多，啲豬扒我就覺得還好少少乾不夠juicy，橙味都唔係話好突出，印象不深刻。
生菜包同我地一般食開嘅都有啲唔同，佢用肉碎同埋菇類做餡，食落都幾清新嘅
如果要揀兩道必食嘅餸，炸子雞同埋西米布甸係我全晚推介嘅！脆皮炸子雞真係無敵一定要食，去啲皮脆內嫩，連雞胸都係滑㗎！真心考功夫！咁大隻够枱人食佢先至$280咋，比起其他餸算係好抵。
焗西米蓮蓉布甸網上好多人都話要食！我哋叫咗一大一細，入口甜而不膩，有奶黃隻香甜同埋蓮蓉嘅嘅清香！正呀喂！呢道即使食到飽飽都仲要食啊！
感謝同事們熱情的farewell，喺度工作學到好多嘢，尤其是同事們都好好！大家都要好好保重！🙏🏻😋
______________________________
店名：鳳城酒家 (北角)
環境🏝：6/10
服務💁🏼♀️：7/10
價錢💰：7/10
食物質素🍝：8.5/10
整體🙆🏻♂️：7.6/10
地址:
北角渣華道62-68號高發大廈地下及1樓
Post
