抖蛋馬來西亞古早味蛋糕 (啟德) (Closed)

古早蛋糕呢排勁hit，人人都話想食，我食過呢間蛋糕店嘅古早蛋糕就明白點解咁吸引喇！ 蛋糕店鄰近啓德地鐵站，出地鐵站後，唔駛三分鐘就到。 去到已經見到店員忙碌咁準備一盒盒新鮮熱辣辣嘅蛋糕🤤店員推介咗原味及爆漿芝士蛋糕，佢真係知我心意 🤣 攞上手熱辣辣，一路行一路聞到蛋糕香味，急不及待要食。 蛋糕上有坑紋，好方便客人順坑紋切開。原味蛋糕真係十分鬆軟，牛油及蛋味香濃，不知不覺被佢吸引住，愈食愈多😋爆漿芝士蛋糕，中間明顯有兩層芝士，濃郁芝士配合鬆軟蛋糕，味道好夾。 兩個蛋糕一日食唔哂，估唔到放咗一晚，第二日再食依然香濃鬆軟，意想不到🤩下次好想試吓佢嘅霸氣榴槤蛋糕及肉鬆小貝😋😋😋