牛川日本和牛專門店 (Closed)

整體嚟講間燒肉放題唔錯，坐得舒服食物質素同款式都ok，抽煙系統都ok食完唔會好大陣油煙味，只有少少漏單情況~另外飲品方面可以再多啲選擇就好喇~A5日本和牛放題係連加1~$500，選擇都好多，其實都無食得晒佢menu嘅野飲品淨係飲咗白桃烏龍，食燒肉想飲茶解下膩haha，大大支仲有少少桃嘅香味~都幾好前菜: 和牛沙津幾大份，不過就得1塊和牛唔夠分2個人☹️，另外推薦食麻辣魚皮!!!爽口得嚟又有少少麻辣，好開胃!!!海鮮拼盤: 我覺得大部分食落都新鮮特別係扇貝，好大粒食落都新鮮可惜無得再叫，個蟹膏其實都好食不過如果佢可有啲餅或者包點下就好喇，就咁食好似差啲嘢咁~蝦都係好新鮮仲要好彈牙實肉!!!生蠔係要like 社交平台先有架~都幾鮮甜唔會太重海水味，加埋辣醬食就最正~剌身/壽司: 放題係唔少得食刺身~有三文魚、帆立貝、赤貝、大蝦等等，都好新鮮，壽司就普通不過有火炙左口魚邊同鰻魚幾好A5和牛拼盤: 呢個價錢仲要食到唔同部位既和牛!!!個人鍾意食後腰肉~見到油脂分布係好靚!食落又唔會太有油膩感又食到牛味~仲可以加一盤生菜包黎食，同埋檯上都有鹽同燒汁用!熟食: 唔算多選擇但烏冬都幾彈牙可以食下😂燒鳥