鳴虎 (北帝街) (Closed)

突然間好想食拉麵，見到屋企附近有間，見到裝潢同日本啲拉麵小店好似，睇到menu 見價錢公道，就決定試下！.呢到仲會每週推出不同款既特價外賣丼套餐, $38勁抵，晚餐又多個選擇。.🔹赤虎🔹呢個係特濃辛口拉麵，唔食得辣既人千奇唔好叫，因為湯底係真辣，有後勁。佢湯濃厚得黎唔會話好油膩，係可以接受既。加左細麵好掛汁，啖啖都又辣又惹味。叉燒半肥瘦，一咬就散，好腍好味道。🔹黑鳴虎🔹呢款係博多黑蒜油拉麵，湯頭唔油，濃淡度適中，鹹度都岩岩好，配上大量香蔥，重口味人表示大愛。每碗都會配上原隻溏心蛋，整得熟到剛好又入味。🔹肉餃子🔹正常發揮，熱辣辣新鮮整好，味道都唔錯。