Afternoon Tea TEAROOM (Closed)

Afternoon Tea Tearoom 係2019年引入香港，之前喺東京都有食過，喺香港就第一次食，呢度主要食甜品，亦都有意粉丶三文治，但選擇不多。當日叫左兩個套餐，一個明太子意粉丶一個雞肉芝士三文治，跟一杯飲品及沙律。睇返d相先記得原來喺東京有食呢份雞肉芝士三文治，呢度裝修丶食物都同日本一樣，感覺好似去咗東京旅行咁。明太子意粉好多材料，有魷魚丶蕃茄丶豆⋯⋯都幾好味，同日本又係跟一個麵包。雞肉芝士三文治都幾大份，有碗湯跟埋，外層香脆，唔錯。服務態度方面都Ok。