燒扒屋

Open Now

Now Closed

今次試咗呢間燒扒屋嘅精選常餐牛柳扒配司華力腸餐同白汁芝士焗海鮮飯，上菜速度快！記住lunch time真係好多人架！ 如果你唔係打工仔，唔好呢啲時間爭食！Btw 好多隱藏單 寫左係外面個版度！自己揀自己喜歡的！精選常餐嘅牛柳扒煎得香口，肉質嫩滑，配搭香脆嘅司華力腸同薯菜，仲要係粗薯條，大大支亨氏茄汁，份量十足睇相就見到。凍檸茶夠凍，解暑一流。 又係呢句，呢個價錢呢個質素，仲想點？白汁芝士焗海鮮飯，白汁香濃，芝士拉絲，海鮮份量充足，有蝦、魚柳，配搭香軟嘅飯，每一口都充滿驚喜。個焗飯夠哂熱辣辣！整體而言，呢個價錢，呢個食物質素，性價比已經不錯！要食地道的、平民化的，值得推薦。