極品煮意 鷄煲.烤魚.火煱 (Closed)

街坊生意，價錢平 而且質素有保證，地方都幾大一到晚飯時間都好多街坊嚟食！飲品都有好多選擇，最特別嘅係居然有茶葉自己沖😂我就叫咗個魚頭煱，好重好香的藥材味，因為加左龍眼同埋紅棗枸杞，所以鍋底好甜！👍🏼自己包嘅餃子都好好食，皮薄，肉厚！有好多配料有其他地方見唔到嘅蜆，細細隻但係好鮮甜牛肉都唔錯雖然係冰鮮，但係都夠軟，唔會太老！就算係食面都有四款選擇，好有誠意一定要食呢度嘅小菜加左花椒入去炮製，又香又麻，好正宗的四川做法😍雪糕就係雀巢雪糕，但係有出面比較少見嘅芒果同埋紅豆味，好有童年回憶😘話晒呢度都係做街坊生意，有咁多回頭率證明質素同價錢真係唔錯，平平地 適合啲大食人士！