廿三 . 壽喜燒

Open Now

Now Closed

呢日去咗近排新開嘅壽喜燒餐廳！餐廳有提供小遊戲同和服體驗，充滿日本風情🇯🇵！點咗$523嘅午市套餐，師傅席前烹煮糖烤壽喜燒🤩。🍭前菜蒸物 金平蓮藕、淡路島洋蔥湯、生海苔蒸蛋金平蓮藕爽脆開胃，淡路島洋蔥湯嘅甜味濃，唔會有洋蔥辛辣味～生海苔蒸蛋滑溜零氣泡✨！🍭日本A4近江和牛 肉眼、西冷、兩款牛肩近江牛即使唔同部位嘅肉質都相當柔嫩💓！配合日本生雞蛋，肉質更軟嫩！肉眼嘅油香味會重啲，入口即化。西冷同牛肩嘅牛味就會濃啲!🍭野菜多款野菜當中最驚艷係淡路島熟成洋蔥🧅！洋蔥本身已經帶有甜味，仲烤到焦糖感，由外甜到內，唔食洋蔥嘅人都接受到🫶～🍭和牛蛋炒飯師傅先炒香和牛，再倒入蛋漿，雞蛋呈半熟狀態，超嫩滑！炒飯充滿和牛香味😻！🍭開心果軟雪糕甜品會定期更換，咁啱呢日係開心果🍨！開心果味好濃，仲有開心果仁係入面～餐廳開業優惠贊好社交平台專頁及圖片評論分享或 Google Map 圖片評論分享送一合時令清酒。