賞麵

Open Now

Now Closed

好鍾意嚟呢間車仔麵，因為可以自己靜靜地cill番個下午😍一個人食晏其實又有咩怕喎🤪呢度每張枱都放咗一系列既辣醬，真材實料，由小辣至大辣，加落去車仔麵度食，非常惹味😋而且非常乾淨🤪新潮車仔麵🍜車仔麵最開心就係可以瘋狂嗌餸食，呢度仲可以淨係叫餸唔使食麵底添😊😊🌟牛骨汁牛丸加入牛骨湯精華原粒牛脂粒和牛孖筋，食過真係返唔到轉頭，所以真係心思思成日想就返嚟食😊你睇吓我一嗌嗌咗幾多粒👀🌟鹵水豆腐，豆腐入口非常滑，仲好有豆味，清清地既鹵豆腐🤪🌟蠔皇冬菇，厚身又大隻，味道香濃正呀😋 🌟蘿蔔炇得又腍又入味，清甜冇渣，超好食🌟推介要嗌牛腩🤩份量勁多，件件要大大舊，性價比好高，牛腩肥瘦適中，炆得好入味，炆得好淋身，最重要就係嗰腩汁，每食一口都索哂腩汁既湯底，真係夠哂濃郁🌟🌟極有港式風味添呀💕再嗌左碟烚生菜，爽甜份量多😚配埋蠔油冇得輸呀🌟🌟🌟最後嗌多杯凍檸茶，茶底照舊好飲🌟