本家韓國料理

Open Now

Now Closed

本家一向係香港數一數二道地既韓國餐廳，即使位於尖沙咀韓國菜戰區，生意都長期爆滿，連打電話訂位都好難！今日八點幾同朋友仔去到，等左二十分鐘左右終於有位。坐低無耐，侍應就拎左八款韓式小菜，色彩繽紛，每一種都別具心機，仲有第一次食到既綠豆涼粉，外形似蒟蒻，入口滑捋捋，好特別！🐄特大牛排骨🥩板腱肉牛排骨同板腱肉肉質都唔錯，肉味夠濃郁，亦都無筋位同咬唔開既情況發生。店員會主動幫手烤肉，烤至七成熟左右，香味撲鼻而來🤤食既時候再蘸洋蔥汁，消滯又帶出肉肉既鮮甜！再用生菜包住牛肉，蒜頭同泡菜，真係好似去左韓國街頭咁！🦀醬油蟹🦐醬油蝦講起本家，好多朋友都話不得不試佢哋著名既醬油蟹，所以我抱住好高期望，希望係香港都食到同韓國🇰🇷一樣咁高質素！爆膏既醬油蟹好吸晴😍，橙黃色既蟹膏滿瀉，唔單止睇得，入口仲好濃郁豐腴，令人齒頰留香。蟹肉呈半透明狀，香甜滑溜，一啲腥臭味都無！阿珠媽會先等客人影完相，再將一半既蟹拆殼起肉拌以白飯，放入蟹蓋，又可以打多一次卡😌白飯本身已經放左紫菜，麻油同醬油，略嫌味道有啲蓋過鮮味，變左好似食緊紫菜飯🙈蟹油蝦就麻麻，被自家製既醬油醃得過鹹，食完之後好口渴！蝦肉本身用左急凍貨式，即刻用豉油，