旮旯 (Closed)

《抹茶》抹茶對於我黎講，從來都唔係第一選擇，炎炎夏日，一杯冰涼嘅果汁更加引人注目。寒冷冬天，一杯溫熱嘅朱古力足以暖上心頭。抹茶好飲，好食。我唔討厭抹茶，亦都唔抗拒抹茶，只係唔會選擇佢。朋友介紹下，去咗旮旯，一間好出名嘅日式甜品店，我哋叫咗抹茶牛奶抹茶牛奶嘅配搭冇我想像中咁濟，反而有實實在在冰涼感，就好似果汁咁有降溫嘅功效，奶香十足，味道亦都算好飲抹茶葛餅我好鍾意食一啲煙韌、有咬感嘅甜品，所以呢個好啱我口味，粉團比綠茶粉包圍着，Q彈得來又可以帶出抹茶香。芝士蛋糕濃郁嘅芝士味、綿密嘅口感，入口即溶，有意外驚喜。小西點雖然都能夠好似其他抹茶甜品咁，有濃厚嘅抹茶香，加上奶油，但係好可惜呢個蛋糕有啲太硬，大大影響口感。