廿一前 (Closed)

知道荃灣開咗一間新嘅火鍋放題 ，超級鍾意打邊爐嘅我做下孝女帶咗爸爸嚟試下😎！本身平時比較少食火鍋放題，但係呢一間嘅質素真係超高質，座位好舒適，仲有夜景睇添！食材完全冇將貨就價！火鍋配料超多選擇，估佢唔到仲有串燒炸物🍢、刺身、天婦羅、凍食海鮮、芝士🧀冷盤等俾你揀🥰最重要係好乾淨！原來呢度除左平時一鍋一齊恰之外，仲可以選擇一人一鍋，呢個時勢就最岩啦！爸爸就揀咗櫻花龍蝦湯（呢個係侍應哥哥介紹㗎），我就完全唔使諗，一見到黑松露牛乳湯就決定好🤣🦞龍蝦湯同平時飲嗰啲龍蝦湯一樣好濃郁好鮮甜，但又唔會搶咗食材嘅味道。黑松露牛乳湯唔係講笑，未滾之前已經超香黑松露味，湯底好滑，但又唔會好濃味！非常建議加$128升級🥩🥩，睇相都見到啲肉真係靚到不得了，美國頂級牛小排，脂肪分配均勻，肉質鮮嫩，就算煮耐左都仲係好淋身；日本鹿兒島頂級黑豚又係睇個樣都知係好嘢，厚薄啱啱好，sok 埋啲湯底正！另外蔬菜丸類，選擇非常多，丸類食得出唔係普通貨，好多特別嘅款都有，每樣試一粒都包你飽到上心口🤣另外，刺身都試咗少少，好新鮮，原本諗住最後叫多一轉，不過已經飽到食唔落🤣身為酒鬼嘅我點可以冇酒飲，佢地清酒🍶選擇非