兄弟幫食堂 (Closed)

串燒應該係我至愛食物排行榜中嘅Top 3 ,不過我唔係成日post ,因為一係食嚟食去都係果幾間，二來串燒都好相似，除非好特別，如果唔係都懶post😂今次食嘅係旺角「兄弟幫食堂」💛 ，係我近期食過數一數二！每樣串燒都燒得好有心機，火喉控制不錯，味道亦都好啱我口味，唔會過分重口味！仲要有好多選擇！今次揀咗一個清酒二人餐，加其他串燒，基本上每樣都好滿意！清酒二人套餐（$288）-食串燒點可以冇清酒啊，呢個餐包一樽細嘅sake, 好易入口！佢另外仲有好多清酒選擇，下次可以試吓😁套餐仲包括：吉列炸蝦- 吉列粉剛剛好，好脆！蝦彈口新鮮😋蒜蓉燒扇貝-好多蒜蓉，好入味，扇貝又大隻又新鮮，推介！燒頂級牛小排- 都幾大份，肉質幾淋身但有啲筋，夠肉味！燒日本甜心番薯- 好好味唔乾，超甜！另外仲叫左：燒白鱔- 呢個非常推介，個皮超脆， 鱔肉好彈口燒得啱啱好！好想encore❤️燒雞腎-爽口，唔會韌！正免治雞軟骨雞肉棒-正正常常食得出有雞軟骨喺裏面🥳燒翠玉瓜- 原來係切咗粒一碟上，份量都幾多同埋juicy 燒虎皮尖椒- 又係推介，好大隻燒得唔會乾，好Juicy有少少辣親埋個汁