心夜來潮 (Closed)

旺角區有好多唔同種類食肆但同媽媽食晚餐，都係要選擇番中菜穩陣D今晚決定同佢試試潮州菜式雖然只是閒日，但晚飯時段已經坐滿哂人好彩我地比較早到食得潮州菜當然要食鹵水點左份醬鹵六小碟有豬耳仔、豬大腸、豬腩肉、豆腐、紅腸同豬脷，可以一次過可試哂唔同口味而白果胡椒豬肚湯，豬肚食都出好新鮮，口感爽口有淡淡鮮味，而且胡椒味好濃郁飲完有暖胃既效果另外點選了黑松露鹹蛋啫煲飯用上啫煲，可保持飯既熱度而且炒飯粒粒分明而黑松露鹹蛋更加令炒飯十分香口十分惹味薑酒啫芥蘭芥蘭新鮮，只用上較嫩滑既部份食落唔會有渣, 非常好味薑酒更令芥蘭香氣撲鼻而呢度餸菜比較大份，抵食，下次可以再來