Open Kitchen (Closed)

今日突然口好痕想食牛扖，朋友夜晚又飛返英國讀書，咁啱喺機場快線附近ifc，就去咗試Open Kitchen啦，Open Kitchen就正正喺Greyhound嘅對面。晚餐得一張menu，自己揀main course，可以選擇加34轉餐就有野飲、湯同沙律，而今日嘅湯就係南瓜湯。南瓜湯我會比8分，湯味道不過不失，但落咗幾粒葵花子之後簡直係尤如神來之筆，大大幫助咗個湯，可惜唔記得影相。餐包方面，無論味道，質感都同歐式麵包有得揮，加上牛油十分香口，可惜我哋兩個人食得三小塊，真係sip牙la都唔夠。最後就係今日主打，rib eye steak，side dish有grill咗嘅蘑菇、筍同埋薯仔。真係天堂同地獄，蘑菇係天堂十分入味，但筍真係又咸又苦no good no good。而rib eye steak我係叫咗medium rare，熟度就剛剛好，不過牛味唔係太出。總結嚟講，餐廳氣氛佈置十分唔錯，又適合傾計，所以成個set嘅性價比係高嘅。但其實餐廳好似主打係健康類嘅飯，見倒個jasmine rice都幾想試，下次再嚟啦科科。