Chip In Fish & Chips (Closed)

前排媽媽、豬仔包同朋友路過土瓜灣，發現有個新嘅商場叫「啟岸巷子」，一於入去逛一下再食個下午茶💨💨💨商場内周圍都滿佈日式佈置，燈籠🏮串非常吸睛，真係好似置身日本咁，冇得去旅行，打個卡止下癮都唔錯🤣。行行吓，見到有一間小店門外有隻偵探🔎造型嘅貓貓🐱，非常吸引豬仔包，於是就坐低食嘢啦😆小店叫「Chip In Fish & Chips」，原來響西貢同科學園都有分店，店內主要提供都係炸嘅食品😅。我哋點咗「正宗英式炸魚薯條餐🐟🍟」、「炸雞塊🐔」同「炸雞翼薯條🐥🍟」😋「正宗英式炸魚薯條餐🐟🍟」應該係店嘅皇牌食物✨，魚🐟係採用MSC認證大西洋鱈魚，肉質鮮嫩冇腥味，外面炸皮又唔會油淋淋，仲幾厚肉添😋，加上可以自選不同醬汁配合，值得一試👍🏻炸雞翼🐥炸得好香脆，裡面亦都夠入味，係豬仔包最愛😍。薯條🍟係粗大薯條，熱辣辣食相當唔錯，炸雞塊相比其他食品就略嫌失色，可以略過🤣店內位置雖然唔多，但都算坐得舒服，唯一係即叫即炸，上菜時間真係等得比較長😅。臨走我哋先發現有炸Oreo，可惜已經食到好飽食唔落，唯有下次先再食過😆