港澳義順牛奶公司

Open Now

Now Closed

義順曾幾何時係香港坐擁好多分店，門口仲會充滿排隊長長既人龍，今次去到唔洗等位直入，鋪頭裝潢十年如一咁陳舊，座位狹窄迫迫夾夾，姐姐態度一如以往咁麻麻，可能係店家希望客人快快食完走，唔好久坐阻住做生意🤫🍼馳名雙皮燉奶同朋友仔嗌左一凍一熱，兩碗都大失水準。先講熱個碗，表面有一層薄薄既奶衣，做到雙皮奶既基本要求。奶味偏淡，甜度非常高，似係用巨量既砂糖蓋過牛奶不足既問題🙈亦唔滑溜偏水狀，食到底更有好多水。至於凍食好嚡口唔軟綿綿，味道亦係一樣太甜，以呢個定價呢個質素真係唔值🥲仲要用即棄膠匙羹，食個陣口感唔好又唔環保！📍港澳義順牛奶公司銅鑼灣駱克道506號地鋪