胡爐 (Closed)

同左幾個朋友去咗間位於厚福街既一間樓上小型火鍋餐廳，呢到一晚只係招呼幾枱，唔使擔心冇職員serve，仲可以book VIP房，夠晒Privacy。今次叫咗兩個鍋底，再加一啲配料。.👍🏻老友鬼鬼太肚餓嘅關係，叫咗個餐前小食，要俾個like呢個小食，用油炸鬼包住蝦滑去炸，一個創新嘗試，配搭非常過癮，而且口感味道都好夾。.🥢濃湯佛跳牆雞翅鍋食材非常豐富及珍貴，翅、原隻鮑魚、雞件、花膠、海參，湯底味道清甜又唔油膩。.🥢潮汕沙嗲鍋沙嗲味道濃郁，色澤金黃，湯底只有一款，就係豬皮，但係每一塊都好入味，索哂沙嗲湯汁。.🐮牛拼盤打邊爐必須要食牛肉，呢個拼盤有齊五款選擇，手切肥牛、牛舌心、手切牛頸脊、牛胸爽、同埋牛粒，個人最鍾意牛粒，味道夠濃郁！.🍢手打丸拼盤基本手打丸都齊哂，印象最深刻係黑松露墨魚丸，一咬落去黑松露味道非常突出。.🥟餃類當然唔少得手工雲吞、韭菜餃、魚皮餃，呢啲邊爐必點食物，呢度啲手工餃，餡料豐富，絕對冇偷工減料。