三希樓 (Closed)

呢幾日返工太攰，所以放工特登同fd 嚟食餐好既。一坐低就有2碟小食，拍青瓜同辣筍，但由於個 fd太餓，未影個筍佢已經食哂🤣，服咗佢。竹蔗茅根水（$28一杯）叫咗2杯野飲，幾清甜，好香蔗味，真係自己煲出嚟，有d後悔冇叫一渣。豉椒炒蜆（$188）佢d蜆比想像中大隻，幾惹味，粒粒都好大粒，朋友超中意食，不過可惜有幾隻冇開到殼。Xo醬大蝦粉絲煲（$320時價）320蚊一煲好似幾貴咁，但其實佢都幾多大蝦，隻隻蝦都好大粒，而且食得出唔係雪藏蝦，係新鮮蝦。佢d 粉絲就索哂d 蝦既鮮味，炒得好乾爽，幾好食。蛋黃南瓜（$98）呢個真係意料之喜，件件南瓜都有蛋黃味，而且炒得唔會過淋，軟硬度啱啱好，鹹蛋黃味超香，超適合餸飯。