Video
Read full review
2018-06-10
3168 views
喺呢個百物騰貴嘅香港，閑閑哋食個lunch都要＄40-50, 晚餐動輒都要$60-＄70, 但今日介紹呢間佐敦嘅佳記美食雙餸飯真係超抵食，＄31可選兩個餸，另外加$8多一個餸，我如果次次肚餓都會叫三個餸都係＄39，全日同價，重點係佢每個餸會夾俾你嘅份量都超多，仲要好味嗰隻！宜家呢個時勢實在難得👍👍 呢間佳記係以車仔雙餸飯爲主，有十幾廿款餸可以揀，豬雞牛蒸魚蔬菜樣樣齊，好豐富，睇得出都好新鮮而且味道我覺得好好，好有住家feel，多到係個碟載唔到😱（見圖），連白飯都睇唔見咁滯，而且佢唔會分肉就貴啲菜就平啲，全部劃一價任揀兩個餸$31，我試過連豉油雞脾都可當一個餸😍唔知可唔可以重複，下次我叫2隻雞髀當兩餸睇吓得唔得先😂不過其實我最鍾意嘅係佢的梅菜蒸肉餅，超大舊厚身得來肥瘦均勻，而且有一種媽媽嘅味道，基本上淨係一舊肉餅都夠送飯👍呢價錢仲包埋嘢飲可以揀例湯豆漿凍熱飲品都唔使加錢。通常我經開佐敦諗唔到食乜嘢都會去食，如果糧尾更加會去食😂佢附近都有一啲其他嘅兩餸飯，我去試過味道冇咁好之餘，出手又無咁闊綽😑所以我通常都是返去光顧返佳記😋環境：6/10服務：6/10 價錢：9/10食物質素： 8/10
喺呢個百物騰貴嘅香港，閑閑哋食個lunch都要＄40-50, 晚餐動輒都要$60-＄70, 但今日介紹呢間佐敦嘅佳記美食雙餸飯真係超抵食，＄31可選兩個餸，另外加$8多一個餸，我如果次次肚餓都會叫三個餸都係＄39，全日同價，重點係佢每個餸會夾俾你嘅份量都超多，仲要好味嗰隻！宜家呢個時勢實在難得👍👍
呢間佳記係以車仔雙餸飯爲主，有十幾廿款餸可以揀，豬雞牛蒸魚蔬菜樣樣齊，好豐富，睇得出都好新鮮而且味道我覺得好好，好有住家feel，多到係個碟載唔到😱（見圖），連白飯都睇唔見咁滯，而且佢唔會分肉就貴啲菜就平啲，全部劃一價任揀兩個餸$31，我試過連豉油雞脾都可當一個餸😍唔知可唔可以重複，下次我叫2隻雞髀當兩餸睇吓得唔得先😂不過其實我最鍾意嘅係佢的梅菜蒸肉餅，超大舊厚身得來肥瘦均勻，而且有一種媽媽嘅味道，基本上淨係一舊肉餅都夠送飯👍呢價錢仲包埋嘢飲可以揀例湯豆漿凍熱飲品都唔使加錢。
三餸飯
$39
175 views
1 likes
0 comments
三餸飯
$39
182 views
0 likes
0 comments
雙餸飯
$31
129 views
1 likes
0 comments
通常我經開佐敦諗唔到食乜嘢都會去食，如果糧尾更加會去食😂佢附近都有一啲其他嘅兩餸飯，我去試過味道冇咁好之餘，出手又無咁闊綽😑所以我通常都是返去光顧返佳記😋
環境：6/10
服務：6/10
價錢：9/10
食物質素： 8/10
整體：7.5/10
Post
