奇納百川 (Closed)

呢間環境真係唔錯😍，估唔到有海景睇，食野都零舍開心！炸午餐肉配芝士醬（$6️⃣8️⃣）相當之邪惡既小食😈，但又真係好好食😋！用咗spam 午餐肉，份量都幾多。個芝士醬都幾濃味，不過我哋中意點炸雞嗰隻芝士多啲🤣，因為嗰款係拉絲，仲正！海鮮炒粉絲（$1️⃣4️⃣8️⃣）佢好多配料，魷魚、蝦、蜆都幾多下，仲有好入味既冬菇同埋洋蔥，我覺得配料仲多過粉絲😌。呢碟味道就比較濃味，加埋白芝麻更香口。韓式辣醬炸雞配鐵板芝士（$1️⃣9️⃣8️⃣）佢同幅圖片有少少唔同，因為佢嗰醬同埋雞係分開，我覺得咁樣幾好，因為可以按照自己需要去點個醬。呢個份量大約有七八件雞，雞肉幾嫩滑，一d都唔鞋，炸粉都唔厚，真係啖啖肉。另外佢個芝士真係好正😍，上枱嗰陣時超熱，點完雞食仲可以點午餐肉😈，芝士愛好者一定好滿意！最後嚟張大合照！