BEP Vietnamese Kitchen 越灶 (Closed)

一打開個menu發覺同芽莊一模一樣，不論係定價，餐牌設計以至食物種類完全相同。google完得知係芽莊班底開設既，亦都係連鎖式，只係室內裝修同氣氛更偏向越式。味道同服務態度都同芽莊相若，唔明白集團定位係咩🤔🦐椰汁魚露蝦生蝦份量多，堆堆埋埋有十幾隻，虎蝦肉身爽口但鮮甜味就欠奉，要靠醬汁提味。生蝦汁好重口味，放左大量蒜粒，薄荷葉同辣椒，非常之辣但又好惹味，幾乎每食一隻蝦就要飲水沖走辣味🙈算係一道好清新醒胃既前菜！🥢安格斯牛肉粉好一般般甚至偏中下既一碗河粉😐成碗粉又唔熱辣辣，湯頭亦無牛骨味無鮮甜味，河粉好嚡熠熠，又索唔到湯汁。生牛肉就正正常常，肉味唔太濃郁但算嫩滑，不過上檯時已經浸耐左失左去半生熟既效果！🥢燒雞撈檬平平無奇既一碗撈檬。雞柳經過醃製再炭燒，肉質嫩口，雞件亦帶出淡淡香茅香氣！檬粉同檬汁都係越式餐廳常用既牌子，配以大量醃蘿蔔絲🥕，生菜同青瓜絲🥒再倒入檬汁同炸花生粒炸蒜，幾開胃但無令人留下印象既一道菜式。📍BEP Vietnamese Kitchen 越灶尖沙咀梳士巴利道18號維港文化匯K11 Musea 4樓401號舖