鉄人旨花 (Closed)

出左西環，肚餓，見呢間日式嘢好似唔錯。同朋友嗌左精選壽司七件配湯烏冬，有呢兩樣應該夠食。但貪吃嘅我唔怕多，超鐘意食薯餅，所以嗌左個咖哩薯餅。先嚟咖哩薯餅，熱辣辣、脆卜卜。咬落外脆內軟，充滿日式咖哩香味，仲有沙拉千島醬可以沾，更加滋味。壽司七件，有熟食嘅，有刺身嘅，分別有熟蝦、玉子、吞拿魚腩、炙燒鰈魚邊、帶子、三文魚、同一件時令。刺身都好鮮味，只係三文魚瘦左D，吞拿魚腩同帶子最好食。炙燒鰈魚邊都好香 🤤湯烏冬手製刀切夠誠意，豬骨湯濃鹹。如果可以淡返D就好啦。環境舒適，人唔多，食飽仲可以吹下水，享受一個寧靜舒服嘅中午～