Video
Read full review
2023-10-08
3951 views
餐廳環境氛圍俾人一種好高雅既感覺，藍紅為主既印花食器，典雅既裝潢，熱情好客既侍應，令人對食物都有極高期望😌餐前sourdough微暖，麵皮唔算太脆口，包芯濕潤鬆軟，配以黑醋同橄欖油，非常之醒胃！🍴Seared Scallop厚身帶子香煎至八分熟，保留外焦香內嫩口既口感，調味帶小小鹹味，好開胃。再加上茴香獨有既清香，為海鮮再添香氣，增加層次！😍🐄Fassone Tartare and Oscietra Caviar餐廳選用左意大利Fassone既白牛，牛身肌肉量多💪🏻，特點係頸腰同臀部非常發達。比起一般品種既牛，肉味更嫩，入口細滑！他他牛上面鋪上鱘魚子醬同液體狀既蛋黃，調味適中。單獨食生牛肉時，肉味濃郁而不膩。而當你將所有食材攪拌一齊食，既有牛肉既鮮味，又伴有一陣鹹甜交織既滋味，口感好豐富！ 🦐Linguine “Gentle”餐廳最聞名既紅蝦意粉，果然無令我地失望🥰西班牙紅蝦名貴得黎有佢既價值在，蝦身富有光澤同鮮艷。蝦肉煮至半生熟，軟腍既口感入口即化，鮮甜又甘香！油漬意大利蕃茄🍅既醬汁，配以蝦頭同蝦膏既精華，味道十分濃郁醇厚，每一條扁意粉都包裹住蝦汁，好掛汁之餘亦非常al dente！
餐前sourdough微暖，麵皮唔算太脆口，包芯濕潤鬆軟，配以黑醋同橄欖油，非常之醒胃！
🍴Seared Scallop
厚身帶子香煎至八分熟，保留外焦香內嫩口既口感，調味帶小小鹹味，好開胃。再加上茴香獨有既清香，為海鮮再添香氣，增加層次！😍
🐄Fassone Tartare and Oscietra Caviar
餐廳選用左意大利Fassone既白牛，牛身肌肉量多💪🏻，特點係頸腰同臀部非常發達。比起一般品種既牛，肉味更嫩，入口細滑！
他他牛上面鋪上鱘魚子醬同液體狀既蛋黃，調味適中。單獨食生牛肉時，肉味濃郁而不膩。而當你將所有食材攪拌一齊食，既有牛肉既鮮味，又伴有一陣鹹甜交織既滋味，口感好豐富！
🦐Linguine “Gentle”
餐廳最聞名既紅蝦意粉，果然無令我地失望🥰西班牙紅蝦名貴得黎有佢既價值在，蝦身富有光澤同鮮艷。蝦肉煮至半生熟，軟腍既口感入口即化，鮮甜又甘香！油漬意大利蕃茄🍅既醬汁，配以蝦頭同蝦膏既精華，味道十分濃郁醇厚，每一條扁意粉都包裹住蝦汁，好掛汁之餘亦非常al dente！品嘗既時候可以先吱出蝦頭既汁，再撈埋煙韌既麵條，滋味倍升！😍
🐏Baby Lamb “Alla Provenzale”
職員一直強力推薦我地試呢個主菜，由介紹menu再到落單都賣力sell😂我地都順左佢意，試下我地都未食過既羊bb！
羊bb既手臂好肥美，烹調既時候係外層撒上迷迭香，同孜然粉既香氣有幾份相似。羊肉煮得好粉嫩，仲夾住一層肥膏，配以燒汁甜甜地好惹味，仲有燒過既菇菇伴碟。食咁重口味又肥膩又厚肉都好滯，不過都值得一試！
🤍Classic Tiramisu
盛載tiramisu既器皿相比其他碗碟顯得好樸實無華，無左五顏綠色既襯托，tiramisu顯得一啲都唔遜色，同樣能夠以味道獲取我地既歡心😗
非常之高質素既甜品，口感香滑綿密，咖啡味香濃又唔澀，芝士同忌廉味相輔相成，手指餅既濕潤程程岩岩好！朋友仔更話呢個係佢食過最好味最出色既tiramisu☺️佢自己獨吞左大半個！
🍨The Truffle
比較普通無乜記憶點既雪糕球🫣球體狀既雪糕好硬，本來以為中間係空心可以敲碎佢，點知硬身到好似未解凍咁🙈楱子雪糕味道濃郁但唔滑身，欠缺左gelato應有既質感。底下既堅果碎同可可粉無任何加分既效果😢整體都好麻麻！
📍Cannubi Enoteca Cucina
尖沙咀梳士巴利道18號Victoria Dockside K11 Musea1樓113A號舖
Post
