Video
Read full review
2018-09-30
1915 views
自從轉咗在觀塘工作，經常響觀塘捐窿捐啦搵好嘢食，前幾日lunch同同事去咗工廈樓上一間韓國餐廳，覺得真係好值得推薦比大家😋👍 呢間餐廳叫做JK brother’s， 雖然佢喺工廈樓上，但係響開源道一啲都唔難搵，入到去就會發現別有洞天，點樣工廈開咗一間咁有特色嘅韓國餐廳，環境好舒適，樓底又够高，裝修都好別緻，完全好難想像這是一間開響工廠大廈樓上的隱世餐廳。😋 雖然佢隱世，但係一到lunch時間都已經坐滿人，好彩我哋一行10人book咗枱，唔係都幾難搵位🙈見到佢嘅午餐雖然價錢唔係話特別平，套餐大概五十幾蚊至到九十幾蚊不等，我見到旁邊嘅人枱上嘅食物賣相同份量都好吸引，深信呢個價錢係值得一試！其實我心大心細咩都想試最後我揀咗個原條鰻魚飯($78)另外加$10配兩件炸雞，飲品我要罐裝coke zero。大概等左10分鐘就上枱上菜，速度都算快，原條鰻魚大大條一開二夠肥美，飯底重加左香甜嘅鰻魚汁，不過成個飯真係得鰻魚同白飯再加兩片酸蘿蔔有啲寡，我同同事都覺得佢可以加啲菜或者煎蛋絲，咁成件事就豐富啲唔同晒😆不過都算幾好食！雖然$78都幾貴，可能鰻魚成本貴掛，不過間唔中豪下都OK啦。炸雞都做到外脆內嫩，
自從轉咗在觀塘工作，經常響觀塘捐窿捐啦搵好嘢食，前幾日lunch同同事去咗工廈樓上一間韓國餐廳，覺得真係好值得推薦比大家😋👍 呢間餐廳叫做JK brother’s， 雖然佢喺工廈樓上，但係響開源道一啲都唔難搵，入到去就會發現別有洞天，點樣工廈開咗一間咁有特色嘅韓國餐廳，環境好舒適，樓底又够高，裝修都好別緻，完全好難想像這是一間開響工廠大廈樓上的隱世餐廳。😋 雖然佢隱世，但係一到lunch時間都已經坐滿人，好彩我哋一行10人book咗枱，唔係都幾難搵位🙈
見到佢嘅午餐雖然價錢唔係話特別平，套餐大概五十幾蚊至到九十幾蚊不等，我見到旁邊嘅人枱上嘅食物賣相同份量都好吸引，深信呢個價錢係值得一試！
其實我心大心細咩都想試最後我揀咗個原條鰻魚飯($78)另外加$10配兩件炸雞，飲品我要罐裝coke zero。大概等左10分鐘就上枱上菜，速度都算快，原條鰻魚大大條一開二夠肥美，飯底重加左香甜嘅鰻魚汁，不過成個飯真係得鰻魚同白飯再加兩片酸蘿蔔有啲寡，我同同事都覺得佢可以加啲菜或者煎蛋絲，咁成件事就豐富啲唔同晒😆不過都算幾好食！雖然$78都幾貴，可能鰻魚成本貴掛，不過間唔中豪下都OK啦。炸雞都做到外脆內嫩，$5件算係咁😋
原條鰻魚飯
$78
30 views
0 likes
0 comments
韓式炸雞
$10
33 views
0 likes
0 comments
同行嘅同事大部份都點左大蜆牛肉豆腐鍋配白飯($68)，上枱嘅時候都覺得幾浮誇，好似單人小火鍋咁，每人一鍋而且用木板承上，好有氣派！賣相10分吸引，感覺份量都幾足，每鍋內大概有四片牛肉，四隻蜆仔，兩三舊豆腐同埋大量蔬菜，不過同行嘅同事覺得肉同豆腐份量可以再加番啲，菜反而可以減少啲份量，唔使好似大部份都係菜咁😅
大蜆牛肉豆腐鍋配白飯
$68
22 views
0 likes
0 comments
我見到其他嘅石頭鍋飯同埋炸雞套餐等等都好吸引咁😍😍😍所以我決定下次再嚟幫襯！我要食到佢嘅石頭鍋飯😋😋埋單嘅時候仲有小驚喜，佢每食滿$50就會送返$5現金卷，等你下次再返嚟幫襯所以變相打咗個九折。
我和同事們都覺得佢無論環境，服務和食物質素各樣野都唔錯！重點係上菜夠快，對於我哋得一個鐘食飯嘅打工仔來講真係好重要，唔使食得咁趕呀！😆仲有現金卷回贈，下次絕對會再幫襯！而且佢晚餐好似都唔錯，遠離旺區夠隱蔽唔使人迫人，又可以食好嘢，可算是同三五知己飯聚好地點。
———————————————
店名:JK Brother's
環境🏝：8/10
服務💁🏼♀️：8/10
價錢💰：6/10
食物質素🍝： 8/10
整體🙆🏻♂️：7.7/10
地址:
觀塘開源道54號豐利中心5樓507室
Post
