味來中菜餐廳 (Closed)

跟住呢間餐廳喺太子，地點都幾方便，最重要係啲嘢真係好好食🥹，媽咪都食得好滿意。魚香茄子煲（$8️⃣8️⃣）呢個送飯一流🤣，上台嗰陣時好夠熱，食到最後都仲係好熱！同埋佢真係有放鹹魚🥺，有鹹香味，索晒啲汁好正。蜜椒薯仔牛柳粒（$1️⃣1️⃣8️⃣）呢個媽咪大讚啲牛肉好食！啲牛肉唔會過熟，一啲都唔靭而且好入味。啲薯仔本身炸過，外層包咗一層糖漿咁，甜甜地，超好食，呢個我哋超級快就食晒！黑椒粉絲蝦煲（$1️⃣0️⃣8️⃣）呢個上台嗰陣時仲係滾到不得了🤣，佢啲蝦全部都開咗邊，好方便而且沾滿晒醬汁，好欣賞呢種做法。入面仲有金菇，黑椒味好重，成件事係超夾🥹，呢個超級鍾意❤️，好想再食過！呢間覺得佢啲嘢好夠鑊氣，食咗三樣嘢都水準好高，見到佢仲有午市套餐，更加抵食！