Viet

Open Now

Now Closed

烈日當空星期日一點幾去到，都有幾台客等緊。職員都好貼心，依次序安排客人涼住冷氣等。鋪頭行簡約設計，以柔和既黃光同木製傢俬為主。等左大概半個鐘後終須有得坐低食🥰，好幸運可以坐係半開放式廚房前面，望住廚師👨🏻‍🍳烹煮，所有材料都係即叫即起！🍲生牛肉河兩碗既湯頭同一樣，充滿濃濃既牛骨味，顏色清澈又無過多既油脂。肉肉有美國安格斯肉眼同小牛排，雖然薄切為主，但好足料！上檯時色澤粉嫩，肉質優秀兼有肉味。河粉幼滑，唔會煮至過軟或者痴住晒🫶🏻食完所有餸菜之後再飲湯都唔會覺得口渴口乾！🍲生熟牛肉河肉肉有美國安格斯肉眼同慢煮牛腩。牛腩一樣咁高質，選用坑腩部位，厚切再慢煮至入口即化😋口感軟腍有鮮甜肉味。坑腩肥瘦適中，油膏慢慢咁滲透落湯底，令本來清甜既湯頭帶有些微油香，更加可口！🍤紫蘇葉炸蝦餅極力推薦！！！落單後廚師即時係你面前搓蝦膠再拎去炸，熱辣辣又真材實料！啖啖都充斥住鮮蝦味，更會食到原隻大蝦，口感彈牙酥脆，再沾自家製既泰式甜辣醬，非常惹味，令人回味無窮！😍🐣越式牛油雞翼雞翼就比較遜色🥺雖然同樣都係即叫即炸，粉漿薄身脆口，但係無味好淡口。調味方面略有不足，牛油味失蹤左，只有炸漿味，所以唔見有其他客人嗌雞翼