Video
Read full review
2018-06-05
417 views
行過銅鑼灣，突然間俾呢間小食店嘅蔥油撈粗麵廣告吸引住！因為我係超鍾意食撈麵，仲要係蔥油撈粗麵！估唔到響銅鑼灣街頭有機會食到撈粗，突然間心花怒放！😍 其實呢間只係一間好細嘅街頭小吃店，應該開咗冇幾耐，就響維園對面，中央圖書館隔離，老闆都幾親切友善，佢有其他小食，仲有好多自家制嘅飲品，雖然我為咗佢嘅蔥油撈麵而來，咁一場黎到，我都會順便試埋佢其他嘅小食，所以我就點左一個豉油王雜錦撈粗(入面有魚旦四粒，芝士腸兩條，蘿蔔四舊，瑞士雞翼一隻同埋牛丸一粒) $36, 加兩蚊可以加大個撈麵，我當然樂意，最後承惠＄38。因為係街頭小食店嘅關係，設有一小角嘅立食區，所以我個撈麵來到嘅時候可以企係度慢慢食。佢的豉油王撈麵夠份量，問咗老闆大份係1.5個麵，小份係一個，上面淋左蔥油，蔥花同埋乾蔥，睇上去頭油王撈得粗麵好靚，上哂色而且聞落非常香，我已經急不及待撥開啲餸先試一啖麵，不得了！佢個蔥油同乾蔥香到呢！😍而且粗麵煮得啱啱好軟身，不會過硬，因我好怕撈麵硬身會好難食，加上佢嘅豉油王蔥油真係自家製係媽媽的味道嗰種感覺，每條麵都沾滿豉油和蔥油味，好香好均勻，真係估唔到響街邊小食都可以食到呢一種水準，真心正！！😍 其
行過銅鑼灣，突然間俾呢間小食店嘅蔥油撈粗麵廣告吸引住！因為我係超鍾意食撈麵，仲要係蔥油撈粗麵！估唔到響銅鑼灣街頭有機會食到撈粗，突然間心花怒放！😍
其實呢間只係一間好細嘅街頭小吃店，應該開咗冇幾耐，就響維園對面，中央圖書館隔離，老闆都幾親切友善，佢有其他小食，仲有好多自家制嘅飲品，雖然我為咗佢嘅蔥油撈麵而來，咁一場黎到，我都會順便試埋佢其他嘅小食，所以我就點左一個豉油王雜錦撈粗(入面有魚旦四粒，芝士腸兩條，蘿蔔四舊，瑞士雞翼一隻同埋牛丸一粒) $36, 加兩蚊可以加大個撈麵，我當然樂意，最後承惠＄38。
豉油王雜錦蔥油撈麵
$36
45 views
0 likes
0 comments
因為係街頭小食店嘅關係，設有一小角嘅立食區，所以我個撈麵來到嘅時候可以企係度慢慢食。佢的豉油王撈麵夠份量，問咗老闆大份係1.5個麵，小份係一個，上面淋左蔥油，蔥花同埋乾蔥，睇上去頭油王撈得粗麵好靚，上哂色而且聞落非常香，我已經急不及待撥開啲餸先試一啖麵，不得了！佢個蔥油同乾蔥香到呢！😍而且粗麵煮得啱啱好軟身，不會過硬，因我好怕撈麵硬身會好難食，加上佢嘅豉油王蔥油真係自家製係媽媽的味道嗰種感覺，每條麵都沾滿豉油和蔥油味，好香好均勻，真係估唔到響街邊小食都可以食到呢一種水準，真心正！！😍 其他嘅小食都正正常常，雜錦撈麵入面嘅瑞士雞翼幾好味幾滑，牛丸芝士腸同埋魚蛋都好正常，冇乜特別，蘿蔔就幾甜，不過就有少少渣。所以佢嘅撈麵真係最好味，如果唔加任何餸，淨撈麵小份＄14大份都係＄18咋，所以我決定以後經過呢度都要食兩份大份淨撈麵😂可能加2隻雞翼咁🤤 ————————————————————
環境：6/10
服務：7/10
價錢：8/10
食物質素： 8/10
整體：7.5/10
Post
