Video
Read full review
2024-06-28
113 views
1. Cecina de Wagyu Beef Carpaccio西班牙和牛薄片，賣相非常精緻，隔離有啲黑醋汁，可以中和牛嘅油膩感，味道好重肉味同和牛肉嘅油香，而且少少鹹香，口感有啲似parma ham，加埋黑醋汁都幾開胃。🌟 評分: 7.5/102. Spanish Red Prawn Carabinero西班牙紅蝦他他，上面同底面有一片墨魚汁做嘅薄片，碟同擺盤都好優雅，好迎合到餐廳嘅環境，西班牙紅蝦出名蝦味濃郁同鮮甜，味道都冇令人失望。🌟 評分: 8/103. Hokkaido King Scallop北海道刺身帶子皇打咗做一個他他，再配上啲辣椒&蘆筍打成嘅啫喱，味道酸酸甜甜，同埋帶出北海道帶子王嘅鮮甜。🌟 評分: 7/104. Bouillabaisse龍蝦湯係由侍應親自係餐枱為大家家淋上龍蝦湯汁，龍蝦湯汁非常濃稠，飲落亦都好creamy，喺香港數一數二好飲嘅龍蝦湯之一，非常香濃龍蝦味；用料亦都好高級，竟然用上鮑魚，同埋大蜆，同埋大蝦，鮑魚好彈牙，非常鮮甜：大蜆好肥美，肉嫩多汁；大蝦爽口。🌟 評分: 8/105. Spanish Sardine Confit油封沙丁魚，上面加上咗
1. Cecina de Wagyu Beef Carpaccio西班牙和牛薄片，賣相非常精緻，隔離有啲黑醋汁，可以中和牛嘅油膩感，味道好重肉味同和牛肉嘅油香，而且少少鹹香，口感有啲似parma ham，加埋黑醋汁都幾開胃。
🌟 評分: 7.5/10
2. Spanish Red Prawn Carabinero
西班牙紅蝦他他，上面同底面有一片墨魚汁做嘅薄片，碟同擺盤都好優雅，好迎合到餐廳嘅環境，西班牙紅蝦出名蝦味濃郁同鮮甜，味道都冇令人失望。
🌟 評分: 8/10
3. Hokkaido King Scallop
北海道刺身帶子皇打咗做一個他他，再配上啲辣椒&蘆筍打成嘅啫喱，味道酸酸甜甜，同埋帶出北海道帶子王嘅鮮甜。
🌟 評分: 7/10
4. Bouillabaisse
龍蝦湯係由侍應親自係餐枱為大家家淋上龍蝦湯汁，龍蝦湯汁非常濃稠，飲落亦都好creamy，喺香港數一數二好飲嘅龍蝦湯之一，非常香濃龍蝦味；用料亦都好高級，竟然用上鮑魚，同埋大蜆，同埋大蝦，鮑魚好彈牙，非常鮮甜：大蜆好肥美，肉嫩多汁；大蝦爽口。
🌟 評分: 8/10
5. Spanish Sardine Confit
油封沙丁魚，上面加上咗荷蘭醬，沙丁魚好有煙燻嘅香味，而且仲完全冇腥味，同荷蘭醬都幾夾。
🌟 評分: 8.5/10
6. Smoked French Eel Pasta
意粉上面有一件肥美嘅煙燻鰻魚，鰻魚好厚切睇落亦都好肥美，煙燻過程入面仲保留到鰻魚嘅油脂，所以食落鰻魚油脂四溢，意粉做到好彈牙，意粉醬汁由日本蛋同火腿高湯製成。
🌟 評分: 8/10
7. Charcoal Grilled A5 Miyazakigyu Rib Cap
炭烤A5 宮崎牛，叫咗5成熟，一碟有3件，睇落有好靚嘅油脂雪花紋就知道佢有豐富嘅油脂，佢嘅生熟度仲係粉紅色，煎得非常之靚仔，口感非常之嫩滑，入口油脂非常誇張，好有牛肉香味。
🌟 評分: 8.5/10
8. Mango Mousse Pandan Cake
芒果慕絲蛋糕，好香濃芒果味，口感好軟滑，中間有斑蘭奶油，令味道有層次，側邊仲有啲焗蛋白，同埋斑斕糕，熱食嘅時候大家要留意唔好唔記得；整體甜品都冇令人失望。
🌟 評分: 8/10
9. Follet
味道好清新，酸味比較突出，比較開胃。
🌟 評分: 8/10
10. Tellado
賣相好優雅，味道好有果香，好濃菠蘿味，味道偏甜，比較鍾意飲甜嘢嘅人。
🌟 評分: 8/10
🎖️整體評分🎖️
❤️ 味道: 8.5/10
🧡 環境: 9/10
💛 服務: 9/10
💙 性價比: 7/10
📍 Bochord (銅鑼灣)
銅鑼灣告士打道280號世貿中心11樓1101號舖
Post
