Video
Read full review
2018-10-17
41 views
因為係觀塘返工嘅關係，所以多咗在觀塘區覓食，除咗之前lunch 會四周圍食向大家推介左唔少觀塘嘅餐廳之外，今次我晚餐都嘗試一下觀塘搵下好嘢食😋開源道係我每日返工必經嘅道路，兩邊嘅工廈樓上有好多唔同嘅隱世餐廳，今次我去食嘅呢間係一間喺開源道的西式餐廳，不過位置都幾隱蔽，要行入停車場再夾搭電梯上去二樓。雖然在舊式工廈入面，但係當一推開門果下真係別有洞天，真係好似施咗魔法進入咗第二個世界咁，呢個魔膳廚房世界入面燈火通明，裝飾擺設都好精緻，就像一間在尖沙咀銅鑼灣可見到的西餐廳，空間較大，樓底較高唔會有咁多人咁嘈，可以靜靜咁食餐飯都唔錯。佢嘅晚餐Menu選擇非常多，花多眼亂嘅情況之下我哋揀咗呢佢哋自家製嘅海膽汁海鮮意粉（$178），同埋墨西哥香辣燒豬肋骨配瘋薯（$178），另外佢每位$38就可以任食沙律吧，我哋當然有加到😝首先我哋出去沙律吧攞嘢食，佢沙律吧選擇都算正常，有10幾款，都係啲基本嘅款式，我同朋友狂拎佢嘅啫喱同埋新鮮生果😂生兩個餐之前佢會有餐包同埋餐湯送上， 餐包軟熟，餐湯我哋揀咗黑松露忌廉蘑菇湯，都算足料味道都唔錯。跟住就上主菜，我通常去西餐廳都鍾意點豬肋骨，大大盤墨西哥香辣烤豬肋骨
開源道係我每日返工必經嘅道路，兩邊嘅工廈樓上有好多唔同嘅隱世餐廳，今次我去食嘅呢間係一間喺開源道的西式餐廳，不過位置都幾隱蔽，要行入停車場再夾搭電梯上去二樓。
雖然在舊式工廈入面，但係當一推開門果下真係別有洞天，真係好似施咗魔法進入咗第二個世界咁，呢個魔膳廚房世界入面燈火通明，裝飾擺設都好精緻，就像一間在尖沙咀銅鑼灣可見到的西餐廳，空間較大，樓底較高唔會有咁多人咁嘈，可以靜靜咁食餐飯都唔錯。
佢嘅晚餐Menu選擇非常多，花多眼亂嘅情況之下我哋揀咗呢佢哋自家製嘅海膽汁海鮮意粉（$178），同埋墨西哥香辣燒豬肋骨配瘋薯（$178），另外佢每位$38就可以任食沙律吧，我哋當然有加到😝
首先我哋出去沙律吧攞嘢食，佢沙律吧選擇都算正常，有10幾款，都係啲基本嘅款式，我同朋友狂拎佢嘅啫喱同埋新鮮生果😂
生兩個餐之前佢會有餐包同埋餐湯送上， 餐包軟熟，餐湯我哋揀咗黑松露忌廉蘑菇湯，都算足料味道都唔錯。
墨西哥香辣烤肋骨配脆瘋薯
$178
2 views
0 likes
0 comments
跟住就上主菜，我通常去西餐廳都鍾意點豬肋骨，大大盤墨西哥香辣烤豬肋骨分量十足，兩個人食真心足夠。肋骨應該先俺了一段時間相當入味，加上獨特香辣醬再燒，非常惹味。肉質算嫩，亦都容易切！燒得啱啱好唔會太乾亦都容易甩骨，配埋個脆薯淨係食呢份餐都幾滿足。
自家製海膽汁海鮮意粉
$178
5 views
0 likes
0 comments
跟住另一個海膽汁海鮮意粉我都幾鍾意，擺盤幾精緻，我哋都覺得個海膽汁的幾特別，因為第一次試，其實都係隻醬入面有海膽同埋忌廉味道，顏色幾靚而且味道唔會太腥，配合埋其他豐富嘅海鮮，好似有蝦青口魷魚等等，成個意粉一個字「鮮」可以概括！
呢間西餐廳以環境來講都幾適合情侶或者一班朋友上嚟聚餐，食物質素亦都唔差，雖然慢慢開始越夜越多人，但可能空間足夠嘅關係，一班人傾計都唔會覺得好辛苦，起碼唔使好似出面食飯同其他枱鬥大聲咁先🤣
——————————————————
店名：魔膳廚房
環境🏝：8/10
服務💁🏼♀️：7/10
價錢💰：6/10
食物質素🍝：8/10
整體🙆🏻♂️：7/10
地址:
觀塘開源道77號業發大廈一期2樓D室
#吃貨玩樂在觀塘
#吃貨玩樂
#魔膳廚房
Post
