CHIMPZ (Closed)

9 0 後 的 味 蕾……………………………………………………位於銅鑼灣渣甸坊一棟舊商場地下，餐廳位置相對係隱蔽少少，但係餐廳食物質素幾高，附近打工仔如果外賣自取，套餐都係$70左右。.🪄厚切黑毛豬鞍配香煎菠蘿 $198黑毛豬非常厚身，但都可以煎到肉質軟嫩，咬仲有少少爽口，好鍾意呢種質感既豬扒，將肉類配搭水果係一個好聰明嘅選擇，中和咗肉嘅油膩，加埋菠蘿酸酸甜甜好開胃，好好食🤟🏻.🪄白酒牛油汁大蜆意大利粉首先要讚嘅係啲蜆肉真係大粒有肉，食到真係有鮮甜味，牛油嘅味道唔會太搶，令到覺得好飽濟嘅感覺，兼且份量都幾多。.前菜可以揀沙律同埋湯，沙律係配搭黑醋，紅菜頭湯令我印象好深刻，除咗外觀好靚，佢成個湯係滑得來有顆粒嘅小口感，好健康👍🏻。.套餐仲包埋飲品，揀咗養生飲品，薏米水，唔好太甜，兼且低層有一粒粒大薏米，好正！另外揀咗杯益力多乳酸，我就嫌佢唔夠凍益力多味道！.📝總結我覺得呢間餐廳真係值得bookmark 去食，因為佢食物質素一定比起而家開到成行成市嘅Cafe/Coffee Shop高好多，所以我覺得佢個位置有啲浪費咗佢嘅潛力。