錦麗 (世貿中心) (Closed)

今日試近期好紅嘅錦麗Phở，朋友話佢地嘅越南牛河造得相當出色，特別係係越南河粉好少出現嘅「牛丸」，朋友話食過一次就會愛上，錦麗好細心，知道食客想一次試晒佢地嘅牛肉，就出現咗呢款三餸「錦麗綜合粉」！太好啦～咁就可以一次過試晒佢地嘅牛，朋友就繼續食佢嘅至愛嘅「錦麗牛丸粉」，點餐之後，待應會拎一杯配料，要留意枱上有張小貼紙教點食越南河會更好味，當牛河上枱嘅時候，先飲一啖湯，湯超清甜充滿牛味，然後放配料，跟住就開始食牛，三款肉中，牛丸真係冠軍！太好味啦！生牛肉肉質較厚，美道唔錯，熟牛肉其實係牛腩，大大件，煮得好入味，不過比起熟牛肉同生牛肉，牛丸係無敵，我地仲嗌咗兩款小食，都好好味！大家快啲去試下啦！