城意 (Closed)

住黃埔嘅朋友仔有口福啦，黃埔新開左間主打葡國菜嘅餐廳，湖水綠嘅裝修清新自然，菜式新意滿滿，晚市嘅二人套餐仲非常抵食，$488包三個頭盤、葡國烤乳豬、一款主食、兩杯飲品及自助沙律吧，兩個人食夠晒豐盛！餐廳仲設有一個精美嘅甜品櫃，有多款造型精緻嘅蛋糕可以品嚐，咁食完餐飯就唔使諗下場去邊，可以喺度食住甜品同朋友吹多陣水🤪Amor傳統葡國經典菜式二人套餐 （$488 2位）葡國蜜汁黑椒燒風鱔蜜汁燒鱔非常厚切，加左蜜汁同黑椒燒過後更加惹味，口感爽口彈牙，味道頗有驚喜🤩香蒜牛油鮮茄葡國腸炒小八爪魚蕃茄醬汁酸酸甜甜，小八爪魚口感彈牙，作為開胃菜一流！蟹黄温泉蛋呢個咁可愛嘅溫泉蛋杯其實內有乾坤，底部鋪滿蟹籽同蟹黃，鮮味十足，加上面頭嘅魚子醬，令味道嘅層次感更加豐富！葡國烤乳豬乳豬係即烤熱辣辣新鮮出爐，雖然等候時間有啲長，但都非常值得！乳豬外皮好薄，烤得香脆，內裡肉質又嫩又juicy，配埋自家製梅汁，可以提鮮解膩，不愧係呢度嘅招牌👍🏻煎元貝龍蝦汁葡國燉飯呢個龍蝦汁燉飯都非常高質，首先面頭嘅元貝大大粒，煎得熟度恰好。而個飯完美地吸收左龍蝦汁嘅精華，淡淡都食得出龍蝦嘅鮮味，十分推薦！