Ali 爸爸餐廳

Open Now

Now Closed

喺屋邨商場有間印巴咖喱餐廳實屬罕見、一直都唔夠膽試因為資料唔太多、完全冇主menu 資料、大多數都係lunch啲普通咖喱睇相令人卻步。但原來午餐都有一系列advanced curry, 其中有Chicken Biryani 算係一款適合做第一次試嘅菜。結果比想像中好！原來呢度係有主menu、正宗印度咖喱款色絕唔欠奉、從此就開始encore 。呢條邨位置頗隔涉、都係街坊多、店夠寬敞、人流氣氛感覺良好。巴基斯坦老闆（？）100% 廣東話OK！【 Chicken Biryani 】睇老闆廚師心情、竟然會玩下變樣、隻蛋可能會用蛋包飯形式登場。【 Saagwala Chicken 】菠菜雞咖喱絕唔遜色、同出面好多印度餐廳不相伯仲、算有啲估唔到。Naan 就弱啲、又唔係好夠喉咁、但午餐價係包埋naan所以係冇得投訴嘅。呢間其一賣點可能係啲甜品、註明「爸爸自制」話係巴基斯坦雪糕。亦有【熱情孖寶】etc.【 Masala Ice-cream 】原來係雪糕加咗Masala香料味、第一次食。入面仲加咗果仁。原味清淡恰當、另有一款係用玫瑰花蜜款做topping。