Video
Read full review
2024-08-22
326 views
Intro & Location:取自印度首都範圍為餐廳名唔多唔少有啲啲特別感覺。餐廳位於商業大廈一樓頗容易比人忽略，就算地下擺咗餐牌，樓上鋪始終樓上鋪，人氣會差啲啲，但就做就咗我呢廷極討厭搭檯＆嚮往寧靜食飯既客人。第一次嚟，有少少鼓起勇氣推開門入去嘅感覺，一入去，哇！成間鋪飄逸住印度炭燒烤味。直頭覺得如果上班族會唔會俾自己客人聞到呢哈！/ Once entered, you can smell the tandoori / tikka well before physical dining . My first impression was very good /Restaurant Atmosphere環境闊落舒服又乾淨，有好幾張望街景嘅舒服大卡位。餐具亦好乾淨而且啞金色碟grand得嚟但唔俗。呢間餐廳個concept係Restaurant & Bar，所以店長（one-man band 7 days?) 會做多步，汽水飲品會用杯上，+塊檸檬&冰、杯墊。呢間印度餐廳店長會幫客斟水。廁所門前有屏風，入面仲有道門先係廁所。比較雅觀衛生。/ A clean & comfortable r
取自印度首都範圍為餐廳名唔多唔少有啲啲特別感覺。餐廳位於商業大廈一樓頗容易比人忽略，就算地下擺咗餐牌，樓上鋪始終樓上鋪，人氣會差啲啲，但就做就咗我呢廷極討厭搭檯＆嚮往寧靜食飯既客人。
第一次嚟，有少少鼓起勇氣推開門入去嘅感覺，一入去，哇！成間鋪飄逸住印度炭燒烤味。直頭覺得如果上班族會唔會俾自己客人聞到呢哈！
/ Once entered, you can smell the tandoori / tikka well before physical dining . My first impression was very good /
Restaurant Atmosphere環境闊落舒服又乾淨，有好幾張望街景嘅舒服大卡位。餐具亦好乾淨而且啞金色碟grand得嚟但唔俗。
呢間餐廳個concept係Restaurant & Bar，所以店長（one-man band 7 days?) 會做多步，汽水飲品會用杯上，+塊檸檬&冰、杯墊。
呢間印度餐廳店長會幫客斟水。
廁所門前有屏風，入面仲有道門先係廁所。比較雅觀衛生。
/ A clean & comfortable restaurant with bar drinking concept /
Set Meal
Set Lunch/Dinner 會跟是日餐湯＆飲品，暫時飲過３種味嘅湯：豆味湯２款＆1款蕃茄味，白色係豆味，黃色唔知係Dal/南瓜，紅色就類似牛油雞咁上下。+$可轉Mango Lassi，好杰而夠味而且唔會過甜呢下抵讚！
Set Meal - Soup & Soft Drink & Mango Lassi
26 views
0 likes
0 comments
前菜：炸蔬菜＆印度脆餅
16 views
0 likes
0 comments
/ A typical valued package of set meal /
★ New Delhi Chat Corner ★
印度乳酪脆餅小食
2 views
0 likes
0 comments
呢款比較少見，通常餐廳最多都係賣Pani Puri，第一次食Dahi Poori，係凍食，唔需要再倒液體入去，其唔同之處係入面啲醬料：乳酪．薄荷．酸醬震撼地配搭無比，嗰種衝擊感令人好開心，足以超越食過嘅Pani Puri。
𢳂多啲脆餅粒倒入去，成舊啪增加脆口感。
印度脆球
34 views
0 likes
0 comments
呢款即係Pani Puri，脆球比較脆，倒薄荷汁，正常口味，誠意之處係每舊都用隻烈酒杯盛住啲汁，誠意度加晒分，又增加收視率。
乳酪醬咖喱角
9 views
0 likes
0 comments
呢款同【Dahi Poori】大同小異，只係將Samosa搣爛混入去做埋沙律，其他野差唔多，份量好似多少少咁，呢款當係一次過食到Samosa & Dahi Poori。
/ A very important experience of eating such snacks . This maybe the key point of this restaurant /
Main Courses
牛油雞咖喱
11 views
0 likes
0 comments
前所未有咁好食嘅牛油雞體驗，牛油雞食過多次但呢間明顯可以跑贏其他店奪取五星，精粹係其雞肉＆咖喱完全俾烤味包圍，即係之前提過入店時聞到嘅烤味，依家真係食到入口，濃郁感極高，真係可以話係「好印度」！今次真係體驗到乜嘢先叫真正嘅「正宗」！竟然可以喺set lunch食到呢個層次實在太幸福！
/ So far the best Butter Chicken I have ever eaten ! Honesty! 5 stars no doubt / Must encore regularly ! /
印度傳統洋肉咖喱
0 views
0 likes
0 comments
註明為傳統印度羊肉咖喱，就算唔多食羊肉嘅我都覺得好味，咁就真係好好味，騷味適中帶出羊嘅特色，夠淋，咖喱都有明顯洋荵＆複雜燴味道顯言同牛油雞個汁好唔同。
馬薩拉羊肉咖喱
0 views
0 likes
0 comments
呢款放係dinner系列，味道無Rogan Josh咁濃郁而係偏向重蕃茄 &洋荵＆椒味，唔知啱唔啱但覺得有少少似Kadai style？
菠菜芝士咖喱
0 views
0 likes
0 comments
佢呢款菠菜芝士有一種好特別嘅味而其他店未體驗過，唔知係咪加咗芥末？咖喱杰度好高，但完全唔辣。
鷹咀豆咖喱
14 views
0 likes
0 comments
見呢款為Delhi6 Signature叫咗，但呢款唯一特別之處只係有件烤制麵包跟，鷹咀豆咖喱似乎難以做得標青所以其他款啲咖喱明顯更勝一籌。
而家已經改為【 Punjabi Channa Masala 】應該冇咗塊麵飽。呢款應該只食一次算。
※ 雖然暫未食過Vindaloo，但以上幾款咖喱基本上冇乜辣度，客人可以品嘗原汁原味，下次會試問下可否加辣。
印度雞肉炒飯
10 views
0 likes
0 comments
做到非常乾身，有啲腰果襯托，覺得偏香料味略多過咖喱味，乾飯又係有一種新體驗。呢款望落以為細碟，食食下非常飽肚差啲食唔落。
Service
帶有明星相嘅Manager 一定會每餐問食客質數如何，禮貌非常，自動斟水。
典型基本重要而又經常被香港餐廳忽略嘅步驟做足，就係一定等你食晒啲小食先會上主菜咖喱。未食晒會問你上得主菜未。
Conclusion
雖然真正印度小食可能仲有好多好多，但呢間餐廳已經搜羅好多款色，比一般同行多，呢度係香港。
講真咖喱間間印度餐廳都有得食，小食來來去去都係嗰幾味，呢間真係可以直頭專登去食啲side dish當正餐唔食咖喱都唔算過份。
講就咁講，呢度個Lunch CP 值咁高真係好難抗拒到。
大部份一舊水內有湯有飲品、12pm-3pm冇落場時間冇加一去邊度搵？實屬人性化+誠意表現。
呢個無敵set lunch 打倒以往覺得set lunch冇好咖喱呢個觀念，喺Delhi6，唔需要懶有型咁去叫餐牌啲另外咖喱，set lunch一定唔會令人失望。
當一日試云晒之後，就會跟menu逐去試㗎喇，除非價錢暴漲，否則一定繼續encore支持！
/ First time customer can go ahead to order set lunch without any doubt, should be no disappointment/
Other Info. :
Super Thanks to Delhi6's manager, chefs and any hidden person in the restaurant. Without all of your efforts, it may not be possible for me to have such a delicious and great experience in indian food dining.
(The above review is the personal opinion of a user which does not represent OpenRice's point of view.)
Post
