Video
Read full review
2021-01-12
697 views
《 葵廣初體驗😳》閒日有得放假，早早起身去遠足活動，消耗哂啲體力梗係要食野補充返啦～於是乎去到葵廣見到哩間小店寫住食材由日本直送，亦主打薯餅等日式小食就諗都冇諗衝去試啦！🐮 B03 爆汁肉彈弁當 $54薯餅包上牛肉餡即叫即炸，香脆得黎肉汁爆棚，每一啖都好香牛味。炊飯令我印象最深刻，除咗係回憶嘅味道外，味道都係唔錯，配搭甘荀絲同香菇絲。所有炊飯均配有雞肉彈，香脆不油膩。🦐 B02 蝦蝦薯餅弁當 $44炊飯就介紹完，蝦蝦薯餅都不容忽視。過往好少見到用蝦做餡嘅薯餅，大概因為蝦肉容易變老令味道變差，但哩間餐廳大膽選用哩個配搭同時表現唔錯。蝦肉香味十足，完全係任何腥味，幾好食～🧀 (07) 芝士波波 $20本來打算食芝士年糕，可惜年糕缺貨，退而求其次下揀左芝士波波，但一啲都冇令我失望。咬開芝士波波，熱辣辣流心芝士馬上湧出黎，芝士味非常香濃唔會膩，絕對係作為前菜小食佳品。🧆 (S02) 蕨餅波波 $20(黃豆粉蕨餅5粒+ 水晶紅豆波波2粒）蕨餅都係正常水準，口感煙韌味道過甜。而水晶紅豆波波就相對略顯遜色，首先外皮偏厚淡味，食落味道單一，可能為左配搭外皮偏淡嘅問題，紅豆餡變得比較甜...有小小甜到漏
閒日有得放假，早早起身去遠足活動，消耗哂啲體力梗係要食野補充返啦～於是乎去到葵廣見到哩間小店寫住食材由日本直送，亦主打薯餅等日式小食就諗都冇諗衝去試啦！
🐮 B03 爆汁肉彈弁當 $54
薯餅包上牛肉餡即叫即炸，香脆得黎肉汁爆棚，每一啖都好香牛味。炊飯令我印象最深刻，除咗係回憶嘅味道外，味道都係唔錯，配搭甘荀絲同香菇絲。所有炊飯均配有雞肉彈，香脆不油膩。
🦐 B02 蝦蝦薯餅弁當 $44
炊飯就介紹完，蝦蝦薯餅都不容忽視。過往好少見到用蝦做餡嘅薯餅，大概因為蝦肉容易變老令味道變差，但哩間餐廳大膽選用哩個配搭同時表現唔錯。蝦肉香味十足，完全係任何腥味，幾好食～
🧀 (07) 芝士波波 $20
本來打算食芝士年糕，可惜年糕缺貨，退而求其次下揀左芝士波波，但一啲都冇令我失望。咬開芝士波波，熱辣辣流心芝士馬上湧出黎，芝士味非常香濃唔會膩，絕對係作為前菜小食佳品。
🧆 (S02) 蕨餅波波 $20
(黃豆粉蕨餅5粒+ 水晶紅豆波波2粒）
蕨餅都係正常水準，口感煙韌味道過甜。而水晶紅豆波波就相對略顯遜色，首先外皮偏厚淡味，食落味道單一，可能為左配搭外皮偏淡嘅問題，紅豆餡變得比較甜...有小小甜到漏嘅感覺。
佢地喺葵芳仲有各式日式食品同零食賣架，有時間嘅話會要去睇下呀！～
Post
