Video
Read full review
2023-04-18
93 views
《📍ATUM Restaurant食評 》by@ihungry.hk生日或女朋友週年紀念想搵間靚餐廳，但係又唔想太貴😎？今日同大家介紹位於尖沙咀嘅人氣超高CＰ值嘅藝術風餐廳—ATUM Restaurant！店內裝修簡約風格，以以純白及水泥灰作裝潢，大片玻璃窗穿透出大樹景，打卡一流📸，超IG-able🔥；而餐廳亦主打西式午餐、下午茶以及晚餐美饌，當然唔少得仲有招牌藝術式甜品，真正呈現色香味俱全😍！🔸『餐前麵包 - FREE』餐前會提供兩款麵包，包括法包及提子法包共兩款🥖！大家形象中嘅法包你又乾又硬，但係呢度嘅法包係超級有口感但又唔會過乾過硬，口感剛剛好😋，上枱時候時仍保留到微溫，再配上加上胡椒嘅牛油，麵包嘅微溫融入到香滑嘅牛油，估唔到咁出色👍！🔸『碟豆花青檸冰生蠔 - $62』必叫❗必叫❗喜歡食生蠔係唔可以錯過❗生蠔賣相夠打卡，味道亦都係非常之出色！生蠔超級肥美又鮮甜，又帶有陣陣海水咸香，特別一讚係餐廳加入咗碟豆花青檸冰🍋，酸酸甜甜嘅碟豆花青檸冰令整體口感更有層次，亦都更突出咗生蠔嘅鮮味，真係好味到想瘋狂Encore🥳!🔸『鮑魚蟹膏醬燉飯- $188』燉飯特別選用意大利米，口感QQ嘅鮑魚
生日或女朋友週年紀念想搵間靚餐廳，但係又唔想太貴😎？今日同大家介紹位於尖沙咀嘅人氣超高CＰ值嘅藝術風餐廳—ATUM Restaurant！店內裝修簡約風格，以以純白及水泥灰作裝潢，大片玻璃窗穿透出大樹景，打卡一流📸，超IG-able🔥；而餐廳亦主打西式午餐、下午茶以及晚餐美饌，當然唔少得仲有招牌藝術式甜品，真正呈現色香味俱全😍！
🔸『餐前麵包 - FREE』
餐前會提供兩款麵包，包括法包及提子法包共兩款🥖！大家形象中嘅法包你又乾又硬，但係呢度嘅法包係超級有口感但又唔會過乾過硬，口感剛剛好😋，上枱時候時仍保留到微溫，再配上加上胡椒嘅牛油，麵包嘅微溫融入到香滑嘅牛油，估唔到咁出色👍！
🔸『碟豆花青檸冰生蠔 - $62』
必叫❗必叫❗喜歡食生蠔係唔可以錯過❗生蠔賣相夠打卡，味道亦都係非常之出色！生蠔超級肥美又鮮甜，又帶有陣陣海水咸香，特別一讚係餐廳加入咗碟豆花青檸冰🍋，酸酸甜甜嘅碟豆花青檸冰令整體口感更有層次，亦都更突出咗生蠔嘅鮮味，真係好味到想瘋狂Encore🥳!
🔸『鮑魚蟹膏醬燉飯- $188』
燉飯特別選用意大利米，口感QQ嘅鮑魚，令口感超豐富！而燉飯加入超濃郁嘅鮑魚蟹膏醬，每粒飯都包裹住濃郁醬汁，絕對會令你一吃就上癮！怕膩嘅你，仲可以食一啖酸薑，中和一下鮑魚蟹膏醬嘅膩😚！
🔸『煙燻蛋黃辣肉腸意粉 - $178』
煙燻蛋醬汁超級之濃郁同Creamy，食落口仲散發著淡淡煙燻香氣，夠曬特別！而辣肉腸為意粉帶來了一點Spicy，香口又帶丁點辣🤏，令整個菜式更加惹味，唔係單單得Creamy咁普通💁♀️！
🔸『松露芝士薯條配蛋黃醬 - $68』
薯條炸得非常之香脆，咬落口熱辣辣又扑扑脆，仲有陣陣松露同芝士香氣，超級邪惡！而自家製蛋黃醬味道超濃郁，加埋熱辣辣嘅薯條簡直係Perfect MATCH👏!!!!
🔸『鹹蛋黃雪糕 · 豆腐雪糕 · 黑糖腐皮- $88』
小編覺得賣相超打卡🍦，而鹹蛋黃及豆腐雪糕嘅口感偏向雪葩，絕對值得一試！鹹蛋黃口味夠曬特別，少少咸香再帶濃濃嘅牛奶味，又唔會過甜膩，出乎意料嘅爆好食！而豆腐口味就超重豆腐味，好似將100000舊豆腐濃縮咗喺雪糕咁，再加埋超QＱ嘅黑糖腐皮，令成件事劃上完美嘅句號😚！
🔸『熱帶水果茶 - $48』
食咗咁多嘢，點都要解一解膩！呢杯熱帶水果茶帶你置身於芳香熱情嘅熱帶雨林🌺，濃厚嘅果香味散漫於口中，再配埋清爽嘅茶底，唔會太甜或太酸，完美地中和晒主食嘅膩，超級之Fresh💦！
🤪iHungry肚餓指數：10/10分
Post
