Video
Read full review
2024-11-16
1164 views
首先、見到第一位留負評嗰位師兄/師姐嘅內容清晰地列出種種問題、我個人覺得幾中要害。因為正正反映出一般香港餐飲業經常發生嘅問題。好彩、自己是次用餐體驗就只係發生咗透明碟多手指模呢個問題、我都唔中意壓扁啲飯但問題不算大。（註：我餐無+①）講返Curry Boy～唔知點解好似人氣唔低、第一次去係等位放棄咗。但門口香氣十足、未試其味先聞其氣確係吸引到客、店名簡單直接。呢度嘅咖喱偏日式水果系風格多、因為得一款咖喱只係配唔同嘅餸、但味道亦有少少印度香料風格、不過有種甜味打底始終令我覺得日本風格佔多啲。【 鼠尾草烤雞 】+ 蛋第一口感係有少少特別嘅、因為唔似一般日本咖喱、因為多番啲香料、而且算夠杰身。日本咖喱（非金沢）+ Chicken Makhani 味道。個人覺得 60% JAPAN + 40% INDIA？叫咗加辣但對我冇料到。菜式屬於咖喱汁還咖喱汁、餸還餸。因為例如叫咗烤雞、係另外煎煮冇溶入咖喱入面合而為一。價錢唔係話超貴但唔算抵、份量男仕可能未必夠、好快食哂、格硬加隻蛋、其他小食加埋就唔抵食。但杯飲品幾大杯唔錯、又用凍杯。Encore 指數五五波～不過基於大膽係香港開設咖喱為主嘅餐廳、其實
因為正正反映出一般香港餐飲業經常發生嘅問題。好彩、自己是次用餐體驗就只係發生咗透明碟多手指模呢個問題、我都唔中意壓扁啲飯但問題不算大。
（註：我餐無+①）
講返Curry Boy～唔知點解好似人氣唔低、第一次去係等位放棄咗。但門口香氣十足、未試其味先聞其氣確係吸引到客、店名簡單直接。
呢度嘅咖喱偏日式水果系風格多、因為得一款咖喱只係配唔同嘅餸、但味道亦有少少印度香料風格、不過有種甜味打底始終令我覺得日本風格佔多啲。
鼠尾草烤雞 + 蛋
$98
121 views
2 likes
0 comments
【 鼠尾草烤雞 】+ 蛋
第一口感係有少少特別嘅、因為唔似一般日本咖喱、因為多番啲香料、而且算夠杰身。
日本咖喱（非金沢）+ Chicken Makhani 味道。
個人覺得 60% JAPAN + 40% INDIA？
叫咗加辣但對我冇料到。
菜式屬於咖喱汁還咖喱汁、餸還餸。
因為例如叫咗烤雞、係另外煎煮冇溶入咖喱入面合而為一。
價錢唔係話超貴但唔算抵、份量男仕可能未必夠、好快食哂、格硬加隻蛋、其他小食加埋就唔抵食。
但杯飲品幾大杯唔錯、又用凍杯。
Encore 指數五五波～
不過基於大膽係香港開設咖喱為主嘅餐廳、其實唔容易、一向覺得香港人對咖喱興趣只係三分鐘熱度、呢類餐廳香港買少見少。
所以係值得支持嘅。
Post
