Video
Read full review
2016-05-15
504 views
如果唔係之前大台果個電視節目，大鄉里既我都冇機會接觸到「二段丼」呢個咁特別既日本人氣美食！雖然今次我一心只係黎朝聖，希望試試呢個兩層既魚生飯signature dish，但當我見到好似蟹丼、鰻魚飯、串燒、壽司等等既美食幾乎忍唔到口！如果唔係因為食左個late breakfast既話，真係想將menu上既特色美食全部order晒！餐廳內部採用簡約和風設計，整體感覺自然得黎非常舒服。白色既牆身、灰色既磚牆feature wall、木枱椅等等，再加埋酒吧裹面多款日本杯中物，非常「居酒屋」feel！水蜜桃香檳 ($48)：一擺低既賣相已經非常吸引，唔好見佢好似咁多air喺表面，其實呢個係一個冇酒精既mocktail！甜甜地既味道喺呢個初夏炎熱既天氣真係透心涼！極丼 ($178)：鍾意每樣野都試D既朋友千企唔可以錯過！藍鰭吞拿魚大腩、帆立貝、海膽、油甘魚及赤蝦通通有齊！所謂一分錢一分貨，呢度每塊魚生都切到好厚，咬落去既感覺一流！特別要提一提既係藍鰭吞拿魚大腩，賣相已十分吸引，味道非常甘香，撈埋新鮮既蔬菜一大啖咬落去真係好正！雖然飯既portion可以接受，不過如果可以多返少少，滿足到胃口較大既男
餐廳內部採用簡約和風設計，整體感覺自然得黎非常舒服。白色既牆身、灰色既磚牆feature wall、木枱椅等等，再加埋酒吧裹面多款日本杯中物，非常「居酒屋」feel！
水蜜桃香檳 ($48)：一擺低既賣相已經非常吸引，唔好見佢好似咁多air喺表面，其實呢個係一個冇酒精既mocktail！甜甜地既味道喺呢個初夏炎熱既天氣真係透心涼！
水蜜桃香檳
$48
12 views
0 likes
0 comments
極丼 ($178)：鍾意每樣野都試D既朋友千企唔可以錯過！藍鰭吞拿魚大腩、帆立貝、海膽、油甘魚及赤蝦通通有齊！所謂一分錢一分貨，呢度每塊魚生都切到好厚，咬落去既感覺一流！特別要提一提既係藍鰭吞拿魚大腩，賣相已十分吸引，味道非常甘香，撈埋新鮮既蔬菜一大啖咬落去真係好正！雖然飯既portion可以接受，不過如果可以多返少少，滿足到胃口較大既男士就更好喇！
極丼
$178
7 views
0 likes
0 comments
薔薇二段丼 ($288)：一上枱既時候不其然「嘩」左一聲，可能因為係母親節同父親節既「期間限定」，所以「The Red Rose」係由吞拿魚不同部份砌成玫瑰狀，非常有心思、藝術感一流，完完全全係為「相機食先」而設！用藍鰭加上拖羅砌成既玫瑰花十分大朵，用上差唔多10片不同部份既吞拿魚而成，非常足料。特別值得一提既係拖羅隔離既玉子，印住「弘」字既佢味道十分香甜清新！
喺玫瑰下面果層既中間部份放左一隻溫泉蛋，環繞住佢既係海膽吞拿魚腩蓉飯。溫泉蛋無乜味道，不過生熟程度OK，半流心既狀態感覺唔錯。至於海膽撈埋吞拿魚腩蓉剛剛一剛一柔，撈埋葱花一齊食入口既感覺真係超正！
薔薇二段丼
$268
37 views
0 likes
0 comments
總括黎講，呢道既signature dish「二段丼」真係做到色香味俱全，誇張D講唔駛專登飛去日本，搭程車就可以食到真係好滿足呀！除此之外仲要讚一讚店員既服務態度，親切有禮之餘亦都會為你認真介紹每一道食物，做到「獨丼一面」，值得俾個like你呀！
Post
