Video
Read full review
2019-02-18
99 views
星期日咁啱過左上環，見到呢間媽咪雞蛋仔都幾多人排隊下，緊係上去下湊熱鬧啦！身為香港人緊係食過雞蛋仔啦！最懷念以前推車仔檔嘅雞蛋仔，炭火燒外脆內軟，同小食檔嗰啲預整嘅真係冇得比！返嚟正題先！唔知係咪我脫節太耐，呢間媽咪雞蛋竟然有超多隻味！好多都未見過好新穎！有栗子味、粒粒朱古力味、香蕉味、抺茶紅豆味呢啲都好正路，但竟然仲有芝士味、麻辣肉鬆味、黃金雞蛋仔（鹹蛋黃）同紫菜肉鬆味呢種鹹味嘅雞蛋仔！老實講我一見到呢幾隻味真係喺心入面諗「唔係呀嘛......」真係打破左我一貫對雞蛋仔嘅睇法，鹹食真係ＯＫ咩？但眼見咁多人排隊就一於抱住勇者心態去挑戰一下！見到鹹味嘅話黃金雞蛋仔同芝士味比較多人揀，但我最後都係選擇左紫菜肉鬆味，我怕黃金雞蛋仔會太膩，所以紫菜肉鬆味應該係會比較易啲接受。紫菜肉鬆味三十蚊一份，都尚可接受，因為真係即叫即整，所以都要十五分鐘倒，冇計！為左食好野係要負出小小時間。熱辣辣拎上手就知係值得嘅，因為拎上手就感覺到一定係脆卜卜嘅！香噴噴賣相一啲都唔差，我冇諗過塊紫菜係喺雞蛋仔中間啲分間到。咬落去第一啖，嘩！真係好好味，雖然唔係好食到食神ＭＯＤＥ家燕媽媽咁，但可能因為我抱住勇者心態嘅關係
身為香港人緊係食過雞蛋仔啦！最懷念以前推車仔檔嘅雞蛋仔，炭火燒外脆內軟，同小食檔嗰啲預整嘅真係冇得比！
返嚟正題先！唔知係咪我脫節太耐，呢間媽咪雞蛋竟然有超多隻味！好多都未見過好新穎！有栗子味、粒粒朱古力味、香蕉味、抺茶紅豆味呢啲都好正路，但竟然仲有芝士味、麻辣肉鬆味、黃金雞蛋仔（鹹蛋黃）同紫菜肉鬆味呢種鹹味嘅雞蛋仔！老實講我一見到呢幾隻味真係喺心入面諗「唔係呀嘛......」真係打破左我一貫對雞蛋仔嘅睇法，鹹食真係ＯＫ咩？但眼見咁多人排隊就一於抱住勇者心態去挑戰一下！
見到鹹味嘅話黃金雞蛋仔同芝士味比較多人揀，但我最後都係選擇左紫菜肉鬆味，我怕黃金雞蛋仔會太膩，所以紫菜肉鬆味應該係會比較易啲接受。紫菜肉鬆味三十蚊一份，都尚可接受，因為真係即叫即整，所以都要十五分鐘倒，冇計！為左食好野係要負出小小時間。熱辣辣拎上手就知係值得嘅，因為拎上手就感覺到一定係脆卜卜嘅！香噴噴賣相一啲都唔差，我冇諗過塊紫菜係喺雞蛋仔中間啲分間到。咬落去第一啖，嘩！真係好好味，雖然唔係好食到食神ＭＯＤＥ家燕媽媽咁，但可能因為我抱住勇者心態嘅關係，鹹味嘅雞蛋仔真係超出我預想！外脆內軟唔在講，因為呢啲應該係雞蛋仔基本條件，但紫菜肉鬆味同雞蛋仔真係幾夾，而紫菜同雞蛋仔兩種唔同嘅脆法放埋一齊真係幾特別！企定定食晒先走，滿足！下次一定會試埋其他味！
紫菜肉鬆味雞蛋仔
$30
33 views
0 likes
0 comments
Post
