Video
Read full review
2020-12-18
1951 views
是日星期六，優遊自在同老婆嚟一趟小旅遊，先過嚟青衣城睇場戲、食吓飯，再行轉短山。事緣都喺有啲戲票贈券就到期，唔用好似好唔抵，最方便就喺過嚟表衣城。戲就揀咗套韓國片「無價之保」，喺催淚嘅劇情片，而食晏主要都喺睇餐廳環境，話晒啲疫情仲喺好勁。睇咗幾間，見「101台式休閒餐廳」相對人唔多，而入門右側角落有啲大卡位，自成一角老婆就覺得用餐最安心。 餐廳內裝修精簡，加上樓底高，確喺感覺幾休閒。一室紅白相襯，視覺幾醒目，而防疫都做足，防疫間隔嘅透明膠板，夠大又夠高，呢個元素亦喺我哋會考慮之一，因為見唔少餐廳都做得好鬆散，「求其」搵塊紙板嚟濫竽充數。 我哋所揀嘅一側卡位，既晌死角位，唔會有人出人入嘅問題，而且，非常闊落，唔太肥嘅人，我覺得可以坐到6個人，而牆上做咗個大書櫃作裝飾，增加啲文青感。 門口棟咗兩塊大板，就一眼睇晒有啲咩選擇，有各式各樣台式肉燥飯、麻辣湯麵、田園蕃茄系列、午餐、一人套餐……等等。飲品有加配優惠，不過，好搞笑，所謂午餐，只喺得個主食，嘢飲都喺要俾錢加配。 入鄉隨俗，啲餐具都好似啲茶記咁，擺晒晌餐枱下嘅櫃桶。如果，想要啲熱水浸餐具消毒，亦要出去專櫃自行搞掂。 蟲草花木耳炆雞飯 $
餐廳內裝修精簡，加上樓底高，確喺感覺幾休閒。一室紅白相襯，視覺幾醒目，而防疫都做足，防疫間隔嘅透明膠板，夠大又夠高，呢個元素亦喺我哋會考慮之一，因為見唔少餐廳都做得好鬆散，「求其」搵塊紙板嚟濫竽充數。
我哋所揀嘅一側卡位，既晌死角位，唔會有人出人入嘅問題，而且，非常闊落，唔太肥嘅人，我覺得可以坐到6個人，而牆上做咗個大書櫃作裝飾，增加啲文青感。
門口棟咗兩塊大板，就一眼睇晒有啲咩選擇，有各式各樣台式肉燥飯、麻辣湯麵、田園蕃茄系列、午餐、一人套餐……等等。飲品有加配優惠，不過，好搞笑，所謂午餐，只喺得個主食，嘢飲都喺要俾錢加配。
入鄉隨俗，啲餐具都好似啲茶記咁，擺晒晌餐枱下嘅櫃桶。如果，想要啲熱水浸餐具消毒，亦要出去專櫃自行搞掂。
蟲草花木耳炆雞飯 $45老婆一向食得健康啲，所以，呢個就比較啱佢，原本佢要少飯，但一樣喺俾咁多佢。炆雞嘅份量都幾夠足，而且，炆得幾香，啲雞亦幾滑喎，茨汁唔會太漿或太鹹，撈飯唔錯。喺啲伴菜，白烚嘅椰菜就失色啲，喺快餐店嘅水平。
柑桔檸檬 +$5佢加配咗杯熱飲，平常都喺要檸水多，但見有款柑桔蜜配檸檬，熱呼呼，好香柑桔味，感覺幾唔錯。
慢煮田園蕃茄牛坑腩飯 $54原本諗住要咖喱，但知道老婆喜歡蕃茄多啲，咁蕃茄我本身都OK嘅，就睇睇佢啲田園蕃茄做成點。不過，比預期嚟講，個蕃茄汁底好稀吓，稀到一個程度喺可以當蕃茄湯咁飲，反而，慢煮嘅牛坑腩就真喺幾唔錯，好軟腍，好鬆化，又好有肉香，相信配個咖喱會比田園蕃茄效果會好啲。
珍珠奶茶 +$5港式飲品或指定嘅台式飲品都喺都要加錢配，當然揀啲相對有特色嘅啦。當中珍珠奶茶最合我心水，佢哋嘅珍珠奶茶其實都幾唔錯，茶底有茶香，而珍珠QQ有咬口。
食飽飽之後，坐巴士上到長宏邨開始行「青衣自然徑」，我哋行開山，所以好快行完。故此，同場加映，行埋對面嘅「青衣細山步行徑」，雖然沿途有好多山墳，不過，從呢邊望番過去青馬大橋，景觀闊啲，感覺又好唔一樣。
Post
