Video
Read full review
2020-02-14
80 views
「佢家下黃色衫，又變返著綠色衫。」做飲食業呢行最講求既靈活變化，好簡單架姐，即飄移咁。一入彎，拉一拉手掣，架車bei一bei咁，咁又點呀，型囉！好似呢間台灣過江龍「KiKi麵店」將傳統台菜脫胎換骨，注入新派文青元素。環境睇落簡約樸素，木系風格令人坐得特別舒服。而品牌旗下連茶葉、食材大部份都係台灣直送，絕對係誠意之作。👇📌情人月限定二人套餐 - $314 (一生一世價) ▪ 馬來椰香鮮雞濃湯麵 -▫ 由餐廳最新推出既特色主題情人節套餐，無論你係單身狗定係正日慶祝唔到，仲有成個2月一樣可以試到。而呢個馬來椰香，淨係賣相都覺得好幸福，鋪滿哂係麵條上面既黃油雞，經過雞湯熬製，味道食起上黎相當濃厚。麵條唔會太粗身，有咬口之餘配搭附送既香料撈埋一齊食，又幾惹味wor！▪ 珍珠帶子鮮蝦紅菜頭海鮮湯麵 -▫ 情人節最緊要係咩呀？係玫瑰呀！我相信係無女仔抗拒收到玫瑰。好似呢碗用左大量紅菜頭既海鮮湯麵，成碗麵以玫瑰紅做主題。湯底睇落紅當當之餘，再加埋一粒粒珍珠帶子、原隻大蝦，食材夠新鮮配上浪漫感覺，襯到絕！▪ 草莓雪絨白桃烏龍 -▫ 適逢情人節推出既Menu，以草莓做主題既奶蓋，配搭淡淡清香既Ki
一入彎，拉一拉手掣，架車bei一bei咁，咁又點呀，型囉！好似呢間台灣過江龍「KiKi麵店」
將傳統台菜脫胎換骨，注入新派文青元素。環境睇落簡約樸素，木系風格令人坐得特別舒服。
而品牌旗下連茶葉、食材大部份都係台灣直送，絕對係誠意之作。👇
📌情人月限定二人套餐 - $314 (一生一世價)
▪ 馬來椰香鮮雞濃湯麵 -
▫ 由餐廳最新推出既特色主題情人節套餐，無論你係單身狗定係正日慶祝唔到，仲有成個2月一樣可以試到。
而呢個馬來椰香，淨係賣相都覺得好幸福，鋪滿哂係麵條上面既黃油雞，經過雞湯熬製，味道食起上黎相當濃厚。
麵條唔會太粗身，有咬口之餘配搭附送既香料撈埋一齊食，又幾惹味wor！
▪ 珍珠帶子鮮蝦紅菜頭海鮮湯麵 -
▫ 情人節最緊要係咩呀？係玫瑰呀！我相信係無女仔抗拒收到玫瑰。好似呢碗用左大量紅菜頭既海鮮湯麵，
成碗麵以玫瑰紅做主題。湯底睇落紅當當之餘，再加埋一粒粒珍珠帶子、原隻大蝦，食材夠新鮮配上浪漫感覺，襯到絕！
▪ 草莓雪絨白桃烏龍 -
▫ 適逢情人節推出既Menu，以草莓做主題既奶蓋，配搭淡淡清香既Kiki烤茶同埋白桃烏龍。
兩款飲落入口軟綿細膩，奶蓋唔會太甜夠厚身，飲得過！喂！男人，你要識做啦。
📌茶味主題甜品 -
▪ 伯爵戚風蛋糕配黑糖珍珠 - $68
▫ 黎呢到打卡無可能唔嗌呢個戚風蛋糕，以英式伯爵茶做底，再加埋忌廉同埋黑糖珍珠做配角。本身蛋糕賣相已經好有睇頭，
而食落口感鬆軟，茶味唔會太濃岩岩好。而珍珠既畫龍點晴，增加左個蛋糕既咬口，唔錯。
▪ 仙草珍珠 - $28
▫ 另一款打卡既仙草珍珠，涼粉入口滑溜夠哂透心涼。面頭覆蓋住海量既珍珠，口感煙韌夠彈牙。
我鍾意甜少少，所以倒埋黑糖糖漿，做返個平衡，咁就最完美啦。
Post
