蛇王良

Open Now

Now Closed

秋風起，就梗係要食蛇喇！今日中午同個同事一講起食蛇，大家都好有興趣。講多無謂，坐言起行最實際…港島區食蛇好多人會話去中環嗰間，但真心…祈唔好去中伏…我個人就真係識過係嗰處叫碗蛇羹，入面得四、五條蛇肉。大佬…到底我叫既係瘦肉羹定蛇羹先？好喇，返正題，幾年前有朋友推介過炮台山既蛇王良，我去過一次之後基本上耐不耐諗起就會去一次。今日叫左佢既 5 號餐 $85 細蛇羹配糯米飯，不過我知細蛇羹唔會滿足到我，所以加左 $25 轉中蛇羹。先講個糯米飯，煮得算乾身，臘味香口，配埋一齊好好食唔膩唔滯。蛇係主角，用料好足，多蛇肉配上雞肉、木耳同菇，煮完出黎好清唔會糊住晒，所以真係多年功夫火候啱啱好。加埋新鮮檸檬葉絲同脆，食起黎真係一大享受。食完暖笠笠，舒服。