蛇王良

Open Now

Now Closed

傳統嘅呢啲「蛇舖」，真係買小見小，但係每個區都梗會有一二間，今日路過仲要「米豬蓮」，飽飽地都衝入去食返碗。入到去，麻雀雖小，但俾人嘅第一印象不差，因為真係乾淨企理，唔似一般嘅「蛇舖」。因為佢哋仲有好多產品～林林總總嘅燉湯同蛇湯。我當然係食蛇羹（中碗），對我嚟講～食蛇羹不可或缺的一定係薄脆同埋薄荷葉，無咗呢二樣配料，碗蛇羹就會變得不完美。入面啲料都好豐富，蛇肉瘦肉雞肉木耳絲等滿滿一碗，最緊要佢唔係「傑傑地」一碗，而係湯嘅型態，最怕食生粉果啲, 不過我個人覺得鹹咗小小，埋單$87，食得呢啲都肯定唔平同唔會大碗，只要出貨份量夠，又俾我見到真係有蛇肉，唔係生粉水，我就收貨同大滿足。順帶一提，呢度嘅薄脆應該係自家製，比一般的好食。回頭度:8/10

這麼快又到秋天了，開始是吃蛇的季節。炮台山這一家蛇王良開店多年，冬天的時候都是要排隊等位的。蛇羹和蛇湯都是我的必點之選，不過蛇湯不是每次都有。除了這兩樣，糯米飯和羊肉都相當受歡迎。另外還有一些要預先訂購的知音糖水。糯米飯和羊肉必須跟套餐點單，其他的可以單點。蛇湯看起來清淡，實際上很濃味，是藥材湯味很重的湯水，喝完一碗整個人也暖起來。朋友很喜歡的糯米飯，每一粒糯米都熟透，但仍然能保持咬口和黏度🤌🏻加上臘味的油香，一碗糯米飯三兩下就見底了。進店必吃的蛇羹，相當足料，每一口都充滿蛇肉、雲耳等配料，可自行加上檸檬草和脆脆🤌🏻🤌🏻增加香氣和口感。

Eating snake 🐍 soupIt’s just like eating chicken soup, delicious Although the best season to eat them is November, but I think it’s not bad to eat them now. 😄😄雖然唔係食蛇嘅季節，但係補一補都好！😄😄一定要加檸檬葉，同埋薄脆，會更加好食！呢間老字號已經幫襯過好幾次，水準一直都好正！配埋糯米飯更好！

好耐冇食蛇羹，今日又凍又濕，最好就去食蛇羹補一補暖下個胃先，附近就有蛇王良，間唔中食下都幾好。今日就揀左兩個餐，一個蛇🐍羹加羊肉🐐，一個蛇🐍羹加咖哩薯🥔雞翼🐔。我地早到冇乜人，可以坐係度左望右望👀打下卡，研究下環境，呢度幾10年不變，變嘅只有價錢，我地從幾10蚊一餐，食到而家過百蚊一個套餐，味道不變，情懷依舊。枱面擺左檸檬葉薄脆胡椒粉，食蛇🐍羹不可少的配料。兩碗細蛇羹首先上台，滿滿一碗非常充實，香味陣陣誘人，加啲檸檬草，加啲胡椒粉，就開始慢慢享受。小小一碗🐍蛇羹載滿廚師的成擔心機，蛇🐍肉雞🐔肉木耳絲，調配融和，味道鮮美，食到舔舔利。😋😋兩個套餐接住上台，一碟羊腩，一碟咖哩薯仔雞翼，配白飯🍚。送菜份量稍小，味道不錯，少少不足是不熱，天寒地凍，送菜不熱確是失策，打了個大折扣，希望下有所改善。💪💪

💬一個人食嘢有時都係好隨心，唔駛諗定食啲咩。突然間好耐無食蛇🐍，以前都係天冷時，跟爸爸👨🏻去食，而家蛇店都無即場劏蛇🐍，所以一年四季都可以食到🤓.💬在北角見到蛇王店，即刻要去食返一碗。呢套有配唔同種類嘅蛇羹飯餐，點咗配臘味糯米飯🍚嘅一款，感覺雖然細細碗但糯米都幾滯下，少食多滋味🤓.💬蛇羹有大中細碗，唔夠喉可以選擇加大份量，蛇羹好足料，每啖都有蛇肉，加埋檸檬葉絲、薄脆、胡椒粉，就係最佳享受🤓

初夏呢啲季節，冇啦啦又心思思想食下蛇羹，於是同男友來到北角蛇王良試吓，米芝蓮推薦的。可能係夏天，唔係食蛇既季節，來到時大概7點幾，冇咩人，得一個嬸嬸飲緊碗湯。我和男友就隨便搵位坐，揀個可以睇電視既位置。Upgrade要碗大蛇羹，配上海咸肉菜飯。蛇羹足料，蛇肉條條分明，配上檸檬葉絲，好清新，同蛇羹味道好夾，當然要加上脆脆啦⋯檸檬葉絲和脆脆係自助形式咁悉隨尊便咁加上去既😆 我個人幾鍾意，而男友就期望蛇羹要熱啲。上海咸肉菜飯，細細碗，咸肉係切成小粒混入菜飯中，跟蛇羹一齊食，都可以的，唔會搶晒雙方既味道。小店是家庭式經營，有家的食物味道，我諗冬天黎食風味更佳。😉

最近天氣凍凍，老人家話冬天食蛇食羊就最補身，又暖胃又保暖。北角算係老區，蛇舖就正正會開喺呢啲老區裡面。行過門面，見到呢間舖仔細細，平時食蛇羹都係配糯米飯，今次見到蛇羹會配飯菜嘅，我真係第一次見，幾得意所以就入去試試。我同朋友兩個人各自點咗碗細蛇羹套餐蛇羹都有薄脆、檸檬草可以隨意按口味去加。啲蛇肉都好大塊。一個碗仔都有4-5塊好足料。 配 上海咸肉菜飯 $80咸肉碎好香，撈起嚟真係好好食。一啖蛇羹一啖飯，又真係幾夾嘅。 配 咖哩炆雞翼 白飯 $84真係估唔到蛇舖會有咖哩雞食，炆到啲雞翼仲好入味。

已經食咗成十年，慣咗每年都嚟食蛇羹，順便拜年。住得遠就冇辦法，不過咁多年蛇羹味道依然不變。下次都係直接要大蛇羹，唔叫套餐先夠喉。今年再睇下佢幾時開嘅時候, 發現佢係米芝蓮嘅推介.

係香港搵蛇羹容易，但好食嘅蛇羹唔易搵蛇王良既蛇羹🐍係我食過咁多年以來最足料嘅基本上每一根你都可以食到絲絲既蛇肉佢有幾個餐，但係我真心建議一定要叫大蛇羹，因為細嗰個完全唔夠喉，佢枱面仲擺住啲新鮮檸檬葉 (青綠色）🍋同埋啲脆卜卜，仲要無限添加Happy不過佢個糯米飯就真係一般般啦，可以唔使試同場見到佢好多燉湯，原來你仲可以講你最近嘅身體狀況；師傅會度身訂造一壺tailor made藥材燉湯，香港地認真少見

今時今日要搵到一間蛇肉🐍多過雞肉🐥嘅舖頭已經好唔容易🥲尼碗蛇羹正正就係巨量蛇肉🤤有次食飯細個時候嘅味道🤤🐍另外出面好多賣蛇羹嘅舖頭都用太多生粉打芡🥲但係呢一間嘅蛇羹唔會話好「傑」身！岩晒追求健康嘅人士🥰大家可以試吓落啲檸檬葉絲🍋唔會話係好酸，反而係帶出一份香味🤭✨舖頭唔算好大，如果拎住好多嘢可能會有啲狼狽😌舖頭雖然比較重傳統嘅味道，但係環境十分乾淨，唔使擔心食完會肚痛😂可惜佢嗰日未有羊腩🥲有機會嘅話會再去試

蛇王良其實來過幾次，間唔鍾會諗起要去食，食蛇基本我港九新界都食過哂，有幾間都會經常諗起要去既，蛇王良最主要佢既蛇羹有種獨特既香味，同其他店有d唔同既區別既，今日就叫左個大蛇羹配 臘味菜飯，倍唔到個大蛇羹成個大湯碗咁大 ，好少鋪頭咁大方，真係超大碗蛇肉絲又係勁多，食落去好有滿足感既，另外個菜飯就麻麻地，無咩特別，臘味唔夠香，配菜飯都係無咁夾，配臘味飯應該會好d，佢仲有 羊腩飯同咖哩雞可以選擇既， 我上次食過羊腩飯係好食嘅， 所以大家下次可以選擇羊腩啦

繼上一次食完蛇王芬既蛇‘’骨‘’羹後我再戰位於北角既蛇王良今次成件事正常好多🤔◾️糯米飯餐+細蛇羹 $85◾️因為我地轉左要一個中及一個大蛇羹，額外要加$27及$54。外賣拎到返去再加熱。先講糯米飯，潤腸臘腸原條上好似開心啲，宜家切片上就易share啲，值得讚既係唔油膩，亦唔會好鹹。由於前排比蛇王芬既蛇‘’骨‘’羹嚇親，所以唔敢再大大啖食😮‍💨不過今次係無骨既！而且好足料，至少分到邊啲係蛇肉，邊啲係雞肉🤔食落有淡淡既陳皮味，幾甘香，食完亦無口渴，附上檸檬葉絲及脆脆，但嫌檸檬葉絲味道太搶，好似喧賓奪主左🤪食返蛇羹本人仲好味啲！

一直都好鍾意食蛇羹，但無理由夏天熱辣辣走去食，會食到成身汗終於等到12月天氣轉涼，有機會食到蛇羹叫左蛇羹加糯米飯（套餐）蛇羹我加$27轉左中碗好足料，好好食，好多肉

今日已經係進入左冬月而且天氣都涼涼哋得20度以下所以午餐立即好想食一碗蛇羹進補一下呢幾年一路都食開呢間因為鍾意佢本身除咗可以食蛇羹仲有飯食而且飯嘅選擇都多有羊肉飯、臘味飯、鹹肉菜飯，仲有雞翼飯真係任君選擇不過我就比較喜歡鍾情食佢嘅蛇羹次次都一定要食碗大碗嘅，不過就要$108外賣仲要加多一蚊如果有啲人自己屋企好少機會燉湯而鍾意飲嘅話佢呢度仲有幫手燉花膠，同燉其他湯水嘅服務價錢當然貴過碗蛇羹，不過慳返自己功夫其實都可以諗吓…..又唔使自己睇火….仲要見到門口貼住啲相呢間野其實係入過米芝蓮㗎

天氣開始入秋(雖然已經立冬)，係時候食吓蛇羹配糯米飯，暖吓身🔥今次我哋揀咗上過 米芝連指南，位於港島北角嘅蛇王良！舖頭細細，不過幾貼心，有好多選擇俾唔想食糯米飯嘅朋友，有羊肉、雞翼、鹹肉菜飯等，而唔食蛇嘅朋友都有咖喱雞翼餐揀㗎！難得我哋去得”蛇王”，更係食蛇喇！二話不說，即刻叫個糯米飯蛇羹餐($80)再加$25由細蛇羹改做中蛇羹！蛇羹足料，蛇肉蛇皮爽口彈牙，湯底有濃濃嘅陳皮香加埋少少檸檬葉絲、海量胡椒粉和脆脆，由檸檬葉絲帶起嘅微甘和檸香，好夾陳皮味，再加上胡椒和熱辣辣嘅湯羹，股暖流真係好舒服，食唔停😂，食完蛇羹半飽情況下，食埋個唔油膩糯米飯就夠哂飽肚，又暖笠笠，正👍🏻ed小分享：點解蛇羹一定配糯米飯或其他飽肚嘅食物？因為以前農村時期，村民大多從事體力勞動嘅耕田工作，淨食蛇羹唔夠飽肚，所以佢並唔係主角，而係類似湯羹嘅角色，其實平實嘅糯米飯先係主角正餐呀~