Video
Read full review
2023-05-16
1696 views
同老婆參加完一個聚會，完咗就啱啱喺晚飯時段，所以，行幾分鐘過到嚟「KCC」呢一間台式小店「大公雞」食返個台式晚餐。因為好多年前都曾經到訪過，印象中啲嘢啱食之餘，價錢又親民。咪睇佢門面細細，裡面其實環境幾大，目測估計都有超過50個位。裝修簡約，地方企理，一邊有落地大玻璃對住街景，雖然喺馬路景，但感覺會更開揚。而另一邊有啲卡位，喺非常之闊落好坐。唔好見個餐牌大大隻字寫住精選午餐，其實全日供應架。攤開去，兩大版睇晒，分別有台式飯類、湯飯、麵食、撈麵、手工水餃、小吃及多種台風特飲，另外仲有兩張滋潤嘅特色飲品餐牌，所有嘢食定價都好相宜，睇番上次食評，啲價無咩點加過，又無加一。五香豆干配滷水蛋 $25呢一款喺頗為經典嘅台式滷水小食，啲豆乾好有豆味，口感挺實，卻好軟身；至於啲滷蛋同樣入晒味，啲滷水汁好醇和芳香，心諗，就咁用嚟撈飯食都覺得正呀！香炸餃子 $25講到明一客有6隻，啲餃子炸得香口，外層脆脆哋，唔油膩，咬開啲皮夠薄，肉餡好鬆化，最好喺唔多肥肉，啱老婆食，沾上少少醋汁，更有去膩之感。安平蚵仔肉碎湯飯 $55老婆本身就幾鍾意食蚵仔，清清哋嘅湯飯亦好啱佢口味，所以，呢個湯飯就合晒佢心水。啲蚵仔確喺
咪睇佢門面細細，裡面其實環境幾大，目測估計都有超過50個位。裝修簡約，地方企理，一邊有落地大玻璃對住街景，雖然喺馬路景，但感覺會更開揚。而另一邊有啲卡位，喺非常之闊落好坐。
唔好見個餐牌大大隻字寫住精選午餐，其實全日供應架。攤開去，兩大版睇晒，分別有台式飯類、湯飯、麵食、撈麵、手工水餃、小吃及多種台風特飲，另外仲有兩張滋潤嘅特色飲品餐牌，所有嘢食定價都好相宜，睇番上次食評，啲價無咩點加過，又無加一。
五香豆干配滷水蛋 $25呢一款喺頗為經典嘅台式滷水小食，啲豆乾好有豆味，口感挺實，卻好軟身；至於啲滷蛋同樣入晒味，啲滷水汁好醇和芳香，心諗，就咁用嚟撈飯食都覺得正呀！
五香豆干配滷水蛋
$25
17 views
0 likes
0 comments
香炸餃子 $25講到明一客有6隻，啲餃子炸得香口，外層脆脆哋，唔油膩，咬開啲皮夠薄，肉餡好鬆化，最好喺唔多肥肉，啱老婆食，沾上少少醋汁，更有去膩之感。
安平蚵仔肉碎湯飯 $55老婆本身就幾鍾意食蚵仔，清清哋嘅湯飯亦好啱佢口味，所以，呢個湯飯就合晒佢心水。啲蚵仔確喺幾大粒，富鮮味，伴以肉碎粒、勝瓜粒，味道已好唔錯，加上個湯清甜唔會好「寡」，飯粒分明，初夏食吓湯飯，濕濕哋，不知幾好。
安平蚵仔肉碎湯飯
$55
8 views
0 likes
0 comments
四寶手工麵 $65心多多就梗喺揀四寶啦，有齊雞中翼、牛筋、牛腩、大腸，啲餸料鋪滿面，份量十足，而且，滷得入味，牛筋腍滑，牛腩鬆化，牛腸唔羶，製作有心機；而個湯底甚具肉香，濃而不濁，飲咗大半碗都無口渴嘅問題，手工麵喺粗身嘅關廟麵，耐浸具咬口，全喺誠意之作。
四寶手工麵
$65
20 views
0 likes
0 comments
珍珠奶茶 +$15台式飲品一向都頗有特色，簡簡單單要杯珍珠奶茶，奶茶做出基本水準，茶底都幾香，入口都幾醇厚，珍珠口感亦夠晒煙韌，最欣賞喺大大杯得嚟唔會加到成杯都喺冰嘛。
蜂蜜百香果茶 +$6老婆就揀熱飲，佢一向都幾鍾意百香果份酸甜果香，加埋蜂蜜，撈一撈，有唔少百香果籽，加上餐牌都寫明不含香精、人造糖及色素，嗰陣果香幾清脫，酸酸甜甜，確喺好飲。
今次再訪「大公雞」，唔止價錢無乜點加，食物嘅質素亦都保持到，師傅嘅功力不減，招呼亦好唔錯，真喺無再嚟錯。
Post
