Just Eat (Closed)

喺華輝閣地下嘅「Just Eat」，主理越南/泰國菜。要提提大家餐廳位置唔係咁易搵，要喺般咸道搭電梯落去先到。踏入餐廳覺得環境乾淨企理，以白色為主調，明亮舒適。牆上有一幅幅畫，為餐廳增添藝術氣息。加上播着熟悉的流行曲純音樂，令我不自覺邊食邊哼起歌來，感覺悠閒。蕃茄濃湯海鮮檬一上枱個賣相好吸引！有蝦、魷魚、帶子粒，海鮮種類多。湯底有新鮮蕃茄，重試到有d蝦醬嘅鹹香味。另外配菜重有肉碎、芽菜同莞茜，莞茜令湯底更香！芽菜同檬粉一齊食，一爽一腍，口感好正！湯底用新鮮蕃茄整，酸酸甜甜，好開胃！好味到連湯底都飲埋！菠蘿海鮮炒飯飯旁邊有預先切好左嘅新鮮菠蘿。飯入面都有菠蘿粒。重有好多配料！同海鮮檬一樣有蝦、魷魚同帶子。飯加左蛋去炒，份量多，有鑊氣，粒粒分明，口感煙煙韌韌似糯米。越式蝦卷入面有花生粒同青瓜粒，重有成塊香葉添。蝦夠新鮮唔鯹。質地似熟蝦壽司。生菜鮮綠爽脆。