Video
Read full review
2019-11-16
4527 views
茶餐廳始終喺香港人嘅飲食文化，一向都好受普羅大眾嘅歡迎，就好似今次同朋友嚟到太子嘅「 基隆茶餐廳」，屬小店規模，但就眼見有好多人幫襯，正值午市嘅尖峰時間，門外仲企咗唔少客等位。一般茶餐廳格局，兩邊都喺卡位，中間就排咗可活動嘅2、4人枱，老實講，環境真喺好逼，啲通道其實勉強夠一個人側側身咁過。然而，啲阿姐、阿哥都好禮貌，不過，出菜就好亂吓，經常聽到嘅一句喺有無人有嗌乜乜乜呀。晌等位期間，已經睇定食乜，因為貼咗唔少午餐嘅選擇，例如「每日精選午餐」，寫明邊日有啲咩，每日有4款碟頭嘢，奉送餐飲，賣$40，比起近彌敦道啲茶記平5、6蚊架喇。以為「午餐」得一類，晌門口水牌仲貼咗張手寫嘅「午餐」，共有3款，奉送餐飲，但就可以揀例湯，同樣賣$40。不過，友人對啲午餐麻麻，反而相中款「全日餐」，睇落又確喺幾特別，秘製薑酒生滾鮮牛肉或豬潤，可配唔同粉麵，只賣$38，抵食喎。連福麵都有，老友喺福麵迷，啱晒佢，可惜當日話無福麵喎，哈哈！秘製薑酒生滾鮮豬潤通粉 $38老友話堅有酒香，加上面面仲放咗一大撮薑蓉，無薑味都幾難，配通粉又幾唔錯喎，而啲豬潤灼得剛好，軟滑而粉粉哋，但只得四片而已，感覺少咗啲。整體而言，喺
一般茶餐廳格局，兩邊都喺卡位，中間就排咗可活動嘅2、4人枱，老實講，環境真喺好逼，啲通道其實勉強夠一個人側側身咁過。然而，啲阿姐、阿哥都好禮貌，不過，出菜就好亂吓，經常聽到嘅一句喺有無人有嗌乜乜乜呀。
晌等位期間，已經睇定食乜，因為貼咗唔少午餐嘅選擇，例如「每日精選午餐」，寫明邊日有啲咩，每日有4款碟頭嘢，奉送餐飲，賣$40，比起近彌敦道啲茶記平5、6蚊架喇。
以為「午餐」得一類，晌門口水牌仲貼咗張手寫嘅「午餐」，共有3款，奉送餐飲，但就可以揀例湯，同樣賣$40。
不過，友人對啲午餐麻麻，反而相中款「全日餐」，睇落又確喺幾特別，秘製薑酒生滾鮮牛肉或豬潤，可配唔同粉麵，只賣$38，抵食喎。連福麵都有，老友喺福麵迷，啱晒佢，可惜當日話無福麵喎，哈哈！
秘製薑酒生滾鮮豬潤通粉 $38老友話堅有酒香，加上面面仲放咗一大撮薑蓉，無薑味都幾難，配通粉又幾唔錯喎，而啲豬潤灼得剛好，軟滑而粉粉哋，但只得四片而已，感覺少咗啲。整體而言，喺唔錯嘅，又有啲特色。
焗卡邦尼蟹柳雞扒飯 $40其實即喺白汁焗飯，蟹柳就當然喺雪藏嗰類貨色啦，雞扒俾到兩大件，算喺足秤抵食。而味道方面，友人就話只喺不過不失，原來汁底味薄，又焗燶少少，要扣啲分。
胡椒豬肚湯飯 $44呢度提供唔少湯飯選擇，而呢一道湯飯亦出色，大概都喺因為胡椒豬肚湯本身香濃，又有個性，就咁飲已經唔錯，配飯自不然唔差得去邊，況且，豬肚爽口，又無燥味，份量更喺十足添。
乾炒牛河 $40小弟就揀牛河，雖然喺慣常見到嘅炒粉飯麵，但炒得好都唔容易。我諗住點午餐都應該快啦，但都等咗近15分鐘，見侍應一手四碟咁出嚟，就知喺因為儲單。睇外觀好油吓，食落其實都喺幾油，用咗啲幼身嘅河粉，炒得均勻上晒色，味道亦都唔錯，牛肉夠腍滑，但份量偏少，唔知喺咪我啲牛肉去咗人哋嗰碟度！
熱奶茶晌茶記，點奶茶真喺無乜點衰，喺頗為穩膽，不過，今次就有啲燒鬚。杯奶茶茶底唔濃，茶香弱，又或者有可能落得太多奶，茶、奶比例唔理想，入口嘅口感亦唔覺滑。
我哋所嗌嘅兩款「精選午餐」都喺麻麻哋，反而其他碟頭做得有水準。由於地方都唔喺太好坐，所以，食飽就閃，都無話坐多陣傾吓偈。
Post
