Video
Read full review
2024-09-29
541 views
明白喺香港做餐飲服務業好艱難，我亦都想體諒餐廳，但真係未試過食個放題，甚至話食個飯，都可以咁唔滿足。我到離開其實都無飽過，只係一味飲汽水飲到唔餓。我哋(2個人）坐咗接近三個鐘總共食咗嘅嘢:大閘蟹x8隻燒茄子x1份蜆x2兜（每兜約6隻）蝦x4隻多春魚x2條豬頸肉x4塊雞肉x4串牛肉串x3串台灣腸x2.5條韮菜x1串翠肉瓜x2串蒸白饅頭x1首先，「大閘蟹放題」，大閘蟹唔係放題，而係頭十分鐘第一隻，12-18分鐘後第二隻，離座前15分鐘第三隻，有多先會再分發。即係最少三隻，無得order，問過附近嘅食客都係3-4隻，我哋最後都係得四隻，每隻中間等咗起碼半個鐘。最後嗰隻係喺通知我哋已經夠鐘之後大約15分鐘先到。望下其他食評，聲稱一隻接一隻，又話食咗八隻咁，唔知係餐廳越做越少定根本從來都無八隻，而且佢哋啲相都好相似。第二，「串燒廚師發辦」，每次又等半個鐘但上得每人一串一款，最後成個menu嘅廚師發辦食得九款。所謂葷食，咩咩蟹黃撈飯，無。甜品，無，通知完我哋夠鐘之後問我哋有無邊款想再食，先知有啲串燒係其他枱有但我哋無上過。問下今日係咪無甜品，waitress話係，但過多陣無啦啦上咗蒸白饅頭？？？亦
明白喺香港做餐飲服務業好艱難，我亦都想體諒餐廳，但真係未試過食個放題，甚至話食個飯，都可以咁唔滿足。我到離開其實都無飽過，只係一味飲汽水飲到唔餓。
我哋(2個人）坐咗接近三個鐘總共食咗嘅嘢:
大閘蟹x8隻
燒茄子x1份
蜆x2兜（每兜約6隻）
蝦x4隻
多春魚x2條
豬頸肉x4塊
雞肉x4串
牛肉串x3串
台灣腸x2.5條
韮菜x1串
翠肉瓜x2串
蒸白饅頭x1
首先，「大閘蟹放題」，大閘蟹唔係放題，而係頭十分鐘第一隻，12-18分鐘後第二隻，離座前15分鐘第三隻，有多先會再分發。即係最少三隻，無得order，問過附近嘅食客都係3-4隻，我哋最後都係得四隻，每隻中間等咗起碼半個鐘。最後嗰隻係喺通知我哋已經夠鐘之後大約15分鐘先到。望下其他食評，聲稱一隻接一隻，又話食咗八隻咁，唔知係餐廳越做越少定根本從來都無八隻，而且佢哋啲相都好相似。
第二，「串燒廚師發辦」，每次又等半個鐘但上得每人一串一款，最後成個menu嘅廚師發辦食得九款。所謂葷食，咩咩蟹黃撈飯，無。甜品，無，通知完我哋夠鐘之後問我哋有無邊款想再食，先知有啲串燒係其他枱有但我哋無上過。問下今日係咪無甜品，waitress話係，但過多陣無啦啦上咗蒸白饅頭？？？亦都唔係menu上講嘅炸饅頭。串燒味道係正正常常，偶爾有幾串只可以話係暖，但等咗咁耐我唔expect係唔熱…仲要串牛韌到少啲牙力都唔知點食。臨尾嚟過多春魚，真係的骰到未見過😂其實餐廳可以同廚師交低每枱有幾多位客人，因為有一轉上台灣腸，得一半，仲要兩個人分？？？
服務方面，樓面只有兩個女侍應，今日餐廳已經無full house。帶枱帶唔切，執枱執唔切，話任飲嘅薑茶，前後問咗三次，等咗個幾鐘先嚟第一杯亦都係全晚唯一一杯。我見有張紙寫住茶水自助但個吧位無茶亦無水。有一枱喺我哋坐低後大約半個鐘就食完離開，但枱面嘅蟹殼到我離開都未清理。亦有枱食客由於怕小朋友唔啱食廚師發板嘅食物，而另外再嗌咗啲嘢食畀小朋友，但坐咗40分鐘都仲係只得額外嗌嘅嘢食同第一轉蟹。由於餐廳聲稱今晚安排有啲亂，燒唔切出唔切餐，所以好多枱都過哂鐘都未上哂應該上嘅嘢食，我哋亦都全程坐咗接近三個鐘。
其實餐廳分咗三個時段入座，即刻應該係一輪一輪燒，但唔知點解啲安排可以咁差。中間亦有多名食客投訴，認為餐廳優惠違反商品說明條例，亦有要求同老闆直接對話，而職員聲稱老闆唔喺到，其實用餐空間同廚房好近，亦有出餐口，食客同職員嘅對話亦都唔細聲，但由頭到尾都只得兩位女職員應對食客們。但我睇過有個foodie指廚師就係老細，但亦無人出嚟出過聲。
總括嚟講，我覺得收呢個價錢都唔係大問題，問題係所謂大閘蟹放題，唔應該有數量限制，應該係有人order你就要畀，而限時內食唔哂order數量你亦有權收返錢，而唔係你鐘意畀幾多就畀幾多。串燒廚師發辦亦應該講清楚大概會有幾多串，而唔係要啲客等運到。
食個飯可以全餐廳所有食客哀聲載道，但見到食評清一色好評，先決定打呢篇食評出嚟幫大家避一避雷。
Post
