聚氣

Open Now

Now Closed

唔可以淨係得我食到系列，啱啱附近做完野，過嚟試下新開張茶記。手機落單，跟上潮流，嗌左個黃金多，雙拼多士（奶醬多）、瑞士雞翼麵。落完單後發現冇野飲選單，諗住可能新pos 機功能未完善，諗住自己打開餐牌搵返items,睇下加幾錢可以嗌到咩野飲，唔睇唔知居然我嗌嘅items 係冇得加幾蚊搭杯凍飲，即刻黑人問號，算啦當我自己神之手，揀唔中有搭野飲嘅items,自己又唔舍得比$12或以上散嗌一杯可以用$3蚊解決到嘅凍飲。諗住飲免費奉送嘅飲用水，落單咁耐，66uo係度等都等唔到一杯水（最衰我唔嗌人比杯水我啦）。首先黃金多士上岸，$34算係中規中矩，然後瑞士雞翼撈麵上場，簡單嘅白烚公仔面加3隻瑞士雞翼，咁就成為$48，比個印尼撈麵或者加啲嗌貨嘅乾蔥乾蒜撈撈佢都冇咁嬲，我都知印尼撈麵啲醬都幾浪費時間，但係居然比啲瑞士雞翼汁我就算，仲要自己撈。都算，啲雞翼同啲隔夜燒味一樣口感，7仔啲叮叮小食仲好食啲。最後上埋奶醬多，一句講哂 硬化版嘉頓忌廉賓。